Bu gün -iyulun 9-da UEFA Avropa Liqasının I təsnifat mərhələsinin cavab oyunu çərçivəsində "Qəbələ"- "Dinamo" oyunu keçrilib “Dinamo” (Tiflis, Gürcüstan) ilə cavab qarşılaşması saat 21.00-da baş tutub.
Oyunun ilk hissəsindən hesab açılmayıb.
Oyunun 87-ci dəqiqəsində isə "Qəbələ" hesabı açıb- 1:0. Oyunun 90-cı dəqiqəsində "Qəbələ" daha bir qol vurub və hesab 2-0 olub. Belə ki, əvvəlcə Sergey Zeynov hesabı açıb, əlavə edilmiş 3 dəqiqədə isə Aleksey Antonov fərqi 2 topa çatdırıb.
Qeyd edək ki, komandalar arasında iyulun 2-də Tiflisdə baş tutmuş oyun “Dinamo”nun 2:1 hesablı qələbəsi ilə yekunlaşıb. Odur ki, növbəti mərhələyə "Qəbələ" adlayıb. Bununla da gürcülərə möhtəşəm cavab verilib. Həm də “Qəbələ” tarixində ilkə imza atıb. İndiyədək avrokuboklarda 3 oyun keçirən klub qazandığı ilk qələbə sayəsində II təsnifat mərhələsinə də adlayıb.
Oyunun 25-ci dəqiqəsində stadionda Bütöv Azərbaycanın xəritəsi və “Borçalı Azərbaycan torpağıdır” kimi şüarlar qaldırılıb. Şüarlar dərhal polis tərəfindən götürülüb.
İkinci hissənin onuncu dəqiqəsində yenidən şüarlar səsləndirilib və plakatlar qaldırılıb.
Qeyd edək ki, bu komandaların Tiflisdə keçirilən birinci qarşılaşmasında “Dinamo”nun bir qrup azarkeşi “Qəbələ” fanatlarını döyərək, Azərbaycanın və klubun bayrağını tapdalayaraq, təhqir etmişdilər. Onlar stadionda Azərbaycan əleyhinə şüarlar açmışdılar. Bu dəfə də “Dinamo” (Tiflis) fanatları Qəbələ şəhər stadionuna Abxaziyanın Gürcüstanın ərazisi olduğunu göstərən plakat gətiriblər. Azərbaycan Gürcüstanın ərazi bütövlüyünü tanıdığı və bu matç da Azərbaycan ərazisində keçirildiyi üçün plakatın bu meydanda qaldırılmasının hansı anlam daşıdığı da müəmmalıdır.
Şərhlər