Müsavat başqanının keçmiş köməkçisi Yeganə Hacıyeva İsa Qəmbərin AŞPA-nın Monitorinq Komitəsinin həmməruzəçiləri ilə görüşdə iştirak edə bilməməsində onu ittiham edənlərə cavab verib.

Partiyadan bu yaxınlarda istefa verən Yeganə Hacıyeva “Qafqazinfo”ya açıqlamasında bildirib ki, o, ümumiyyətlə, belə bir məktub almayıb: “Beynəlxalq Təşkilatların Azərbaycandakı nümayəndəlikləri ölkədə baş verən prosesləri diqqətlə izləyirlər. Mənim istefamla bağlı az sayda KİV oldu ki, bu barədə yazmasın. Beynəlxlaq Təşkilatların əksəriyyəti bilir ki, mən artıq İsa Qəmbərin xarici məsələlər üzrə müşaviri deyiləm. İstefamdan sonra mən heç bir məktub almamışam”.