Birləşmiş Ştatlar daha 5 nəfəri “Maqnitski” siyahısına daxil edib. Bu siyahıya düşənlər rusiyalı vəkil Sergei Maqnitskinin ölümü ilə bağlı insan haqları pozucuları sayılır və onlara sanksiyalar tətbiq olunur.
ABŞ Maliyyə Departamenti fevralın 1-də əlavə adlar açıqlayıb. Bununla da Konqresin 2012-ci ildə qəbul etdiyi qanun 39 nəfəri əhatələmiş olur.
Bu şəxslərdən çoxu ya Maqnitskinin aşkarladığı vergi saxtakarlığına, yaxud vəkilin öldüyü həbsxanaya hansısa formada bağlıdır.
Fevralın 1-də əlavə olunan şəxslər sırasında daxili işlər nazirinin müavini də var.
Rusiya daha öncəki reaksiyalara qəzəbli reaksiya verib və ABŞ rəsmilərinin oxşar siyahısını hazırlayıb. Kreml həmin şəxslərin insan haqları pozuntularına yol verdiyini bildirir. /Azadlıq radiosu
Şərhlər