Kolumbiyada keçirilən futzal üzrə DÇ-2016-nın 1/8 final mərhələsinə yekun vurulub. Apasport.az saytının məlumatına görə, 1/4 finala son vəsiqələri Azərbaycan, Argentina və Misir qazanıb.
Yığmamız Tailandı əlavə vaxtda 13:8 hesabı ilə məğlub edib. Argentina isə Ukraynanı futzal üçün qeyri-adi hesabla üstələyib. Belə ki, qarşılaşmada cəmi 1 qol vurulub.
Çempionatın növbəti sensasiyası isə İtaliya – Misir görüşündə qeydə alınıb. Afrika təmsilçisi gözlənilmədən 4:3 hesabı ilə qalib gələrək, iddialı appeninliləri mübarizədən kənarlaşdırıb. Bu, beşqat dünya çempionu Braziliyanın İrana uduzmasından sonra 2-ci böyük sensasiya olub.
Qeyd edək ki, 1/4 final mərhələsinin oyunları sentyabrın 24-25-də keçiriləcək.
Futzal üzrə dünya çempionatı
1/8 final
22 sentyabr
Argentina – Ukrayna – 1:0
Tailand – Azərbaycan – 8:13
İtaliya – Misir – 3:4
1/4 final
24 sentyabr
00:30. Paraqvay - İran
03:00. Rusiya - İspaniya
25 sentyabr
00:30. Argentina - Misir
03:00. Azərbaycan - Portuqaliya
Şərhlər