Ötən gecədən başlayaraq cənub bölgəsinin dağlıq rayonlarına qar yağır.
"Report"un Cənub bürosu xəbər verir ki, aramsız yağışlardan sonra havanın temperaturu daha da aşağı düşüb.
Dağlıq rayonlardan olan Lerikin mərkəzində 5 santimetr, yuxarı dağlıq ərazilərdə 15 sm-ə qədər, Yardımlıda mərkəzə 2-3 santimetr, yuxarı kəndlərdə 10 sm-ə qədər qar düşüb.
Digər dağətəyi yaşayış məntəqələrində sulu qar yağır.
Rayon Fövqəladə hallar üzrə komissiyalardan hər hansı bir çətinliyin yaşanmadığı, elektrik enerjisi və mavi qazın verilişində açılmaların olmadığı bildirilib.
[gallery columns="4" ids="264177,264178,264179,264180"]
Şərhlər