«AzPolitika.info»-nun xarici KİV-ə istinadla verdiyi xəbərə görə, Almaniya Federativ Respublikasının (AFR) xarici işlər naziri Frank-Valter Ştaynmayer deyib ki, NATO ABŞ-ın yeni Prezidenti Donald Trampın «NATO köhnəlmiş təşkilatdır...» bəyanatından narahatlıq keçirir.
«Mən, elə bu saat NATO-nun Baş katibi Yens Stoltenberqlə danışıqlar aparmaq üçün gəlmişəm. Trampın bəyanatı NATO-da narahatlıqla qarşılanır» - deyə, diplomat qeyd edib.
Bundan əvvəl Ağ Evin yeni sahibi NATO-nun başlıca problemlərindən biri kimi təşkilatın köhnəldiyini önə çəkib. O, həm də qeyd edib ki, hazırkı vəziyyətə alyansın yalnız 5 üzvü müdafiə məqsədilə lazım olan qədər vəsait xərcləyir.
Şərhlər