«AzPolitika.info»-nun xarici KİV-ə istinadla verdiyi xəbərə görə, Amerika Birləşmiş Ştatlarının (ABŞ) «USS Carter Hall (LSD 50)» desant gəmisi 24-cü dəniz-ekspedisiya qrupunun dəniz piyadaları ilə Qara dəniz sularına daxil olub. Gəmi Rumıniya ilə birgə «SPRING STORM 17» təlimlərində iştirak edəcək.
ABŞ hərbi-dəniz qüvvələri (HDQ) 6-cı donanmasının saytında xəbər verildiyi kimi, bu təlimlər ABŞ və Rumıniya hərbi hissələrinin birgə operativ fəaliyyətinin bir arada ola bilməsi səviyyəsinin qaldırılmasına və onların dayanıqlı münasibətlərinin möhkəmləndirilməsinə xidmət edir.
Mənzil-qərargahı İtaliyanın Neapol şəhərində yerləşən 6-cı donanma (ABŞ) birgə hərbi-dəniz əməliyyatlarının tam spektrini həyata keçirir və bunu tez-tez müttəfiqlərlə əməkdaşlıq şəraitində edir. Məqsəd isə ABŞ milli maraqlarının, Avropada və Afrikada təhlükəsizliyin qorunmasından ibarətdir.
ABŞ gəmisinin iştirakı ilə təlimlərin əsas fazası Rumıniyanın Konstantsa şəhəri yaxınlığına həyata keçiriləcək.
Şərhlər