Azərbaycanın telekomunikasiya peyki "Azerspace-1" İranın TIN TV (Tasvir Iran TV) ictimai telekanalının proqramlarının yayımlarına başlayıb.Trend-in məlumatına görə, telekanal Ukraynanın "Ukrkosmos" operatorunun paketinə daxil edilib və 11043 MHz tezlikdə mümkündür.
Beləliklə, Azərbaycanın peyki ilə yayımlanan tele və radio kanallarının sayı 100-ü keçib.
Qeyd edək ki, Azərbaycanın birinci geostasionar peyki 2013-cü ilin fevralında 46° Şərq uzunluğunda yerləşən orbital mövqeyinə çıxarılmışdı. 2017-ci ildə ikinci telekommunikasiya peyki “Azerspace-2”nin 45° şərq uzunluğu orbital mövqeyinə çıxarılacağı gözlənilir.
Həmçinin "Azərkosmos" ASC-nin öhdəsində aşağı orbital peyk "Azersky" var. "Azersky" peyki Fransanın "Airbus Defense and Space" şirkətinin "SPOT-6" peyki ilə birgə qrup formatında yer kürəsinin məsafədən tədqiq edilməsi üzrə xidmətlərin göstərilməsi üçün istifadə olunur.
Şərhlər