"Bu kimi məlumatların yaylmasında Ermənistan maraqlıdır"
Hərb Müdafiə Nazirliyi bu gün bəzi elektron kütləvi informasiya vasitələrində Ermənistan Silahlı Qüvvələrinin Naxçıvan MR-a hücum təşkil etməsi barədə yayılan məlumatlara rəsmi aydınlıq gətirib.
ANS PRESS-in məlumatına görə, nazirliyin saytına yerləşdirilmiş məlumatda deyilir:
Bu gün bəzi elektron kütləvi informasiya vasitələri anonim "yerli kənd sakinlərinə" və sosial şəbəkələrdəki istifadəçilərə istinadən guya Ermənistan Respublikasının Silahlı Qüvvələrinin Naxçıvan Muxtar Respublikasına hücum təşkil etməsi barədə məlumat yayıb.
Müdafiə Nazirliyi rəsmi olaraq bildirir ki, bu kimi təxribat xarakterli məlumatların yayılmasında və ictimaiyyətimiz arasında çaşqınlıq cəhdinin göstərilməsində məhz Ermənistanın maraqlı olması şübhəsizdir.
Yayılan məlumatların heç bir əsası yoxdur və yalandır. Hazırda bu istiqamətdə vəziyyət sabitdir və əməliyyat şəraiti Silahlı Qüvvələrin tam nəzarəti altındadır.
Şərhlər