Azərbaycan 2018-ci ildə qaçqınların və məcburi köçkünlərin sosial təminatı ilə bağlı xərcləri təqribən 50 faiz artıracaq.
Trend-in məlumatına görə, bunu maliyyə nazirinin müavini Azər Bayramov Milli Məclisin İnsan hüquqları, Regional məsələlər, Hüquq siyasəti və dövlət quruculuğu, Mədəniyyət, Gənclər və idman komitələrinin birgə iclasında "Azərbaycan Respublikasının 2018-ci il dövlət büdcəsi haqqında" qanun layihəsinin müzakirəsi zamanı deyib.
A.Bayramov bildirib ki, gələn il qaçqınların və məcburi köçkünlərin sosial təminatına 487 milyon manat ayırmaq planlaşdırılır: "Bu, 2017-ci illə müqayisədə 161 milyon manat və ya 49,5 faiz çoxdur".
Onun sözlərinə görə, bu vəsait, o cümlədən həmin kateqoriyadan olan vətəndaşların sosial ödənişlərinə, həmçinin qaçqın və məcburi köçkünlər üçün evlərin tikintisinə ayrılacaq.
Şərhlər
Başa düşdük ee,amma bu nə vaxta qədər davam edəcək?Yarım milyard az pul deyil axı,a qardaş.Adam işləyirsə,qazanc yeri varsa,obyekti-bazarı-şadlıq sarayı-dükanı marketi varsa ona damı verilməlidir qaçıb deyə?Sosial yardım işləməyənə verilməli deyilmi qaçıb qaçmamağından asılı olmayaraq?Onlar da bu ölkənin vətəndaşları deyillərmi?İnsanların qaçmağı vətəndaşlıqlarından üstün ola bilərmi?Qanun bütün vətəndaşlar üçün eyni yazılmalı deyilmi?Bu ayrıseçkilik nə qədər davam edəcək?Başımıza haranın külünü tökək?