“Son 5 ildə AMEA-ya məxsus olan, ancaq etinasızlıq nəticəsində digər təşkilatlar tərəfindən ələ keçirilən çoxlu sayda torpaq sahələri, elmi obyektlər Akademiyanın rəhbərliyi və İşlər İdarəsinin gərgin səyi nəticəsində geri alınıb”.
APA-nın xəbərinə görə, bunu AMEA Azad Həmkarlar İttifaqının sədri vəzifəsini icra edən, professor Habil Qurbanov qurumun 5 illik fəaliyyətinə dair hesabatla çıxış edərkən deyib.
Onun sözlərinə görə, hazırda həmin torpaq sahələri və elmi obyektlərdən AMEA əməkdaşlarının rifahı üçün səmərəli istifadə olunur.
“Buna misal olaraq, Kürdəmir, Ağsu, Xızı rayonlarında olan torpaqlarda buğda, arpa, kartof və digər kənd təsərrüfatı məhsullarının əkilməsini, Abşeron rayonunun Saray qəsəbəsində 35 hektar torpaq sahəsinin qaytarılmasını, Şamaxının Pirqulu qəsəbəsində rəsədxananın həyətində salınmış istirahət mərkəzi, Dendrologiya İnstitutunun “Qonaq Evi”ni, “Elm” istirahət mərkəzini, AMEA-nın “Qonaq Evi”ni və başqalarını göstərmək olar”, - deyə H. Qurbanov qeyd edib.
Şərhlər
Demək son beş ildə Akademiyanın rəhbərliyinin və işlər idarəsinin işi-gücü torpaq məsələləri olub,bütün səylərini böyük gərginliklə bu işə yönəldiblər.Elə ona görə ortaya elm adına çıxardığınız heç nə yoxdur da.Elə ona görə büdcədə ən az pul elmə ayrılıb da.Cəmisi 130 milyona yaxın.Ayıbdu ee,vallah ayıbdu.Niyə tələb eləmirsiniz elm xadimləri olaraq ki,elmə çox pul ayrılsın?Mən tələb eləməliyəm?Naxırçı kor Hacıbala tələb eləməlidi?Siz sayılırsınız da elm xadimləri.Bu nə puldu,deyəmmirsiniz?