Martın 9-da Abşeron rayonunun Saray qəsəbəsində Azərbaycan Milli Elmlər Akademiyasının (AMEA) əməkdaşları üçün tikiləcək ilk yaşayış kompleksinin – “Alimlər şəhərciyi”ndə (Science City) təməlqoyma mərasimi keçirilib.
İlk binanın inşasının 2 ilə başa çatdırılması planlaşdırılır. Şəhərcikdən ümumilikdə 1928 nəfər alimin mənzil alması planlaşdırılıb. Bu arada sosial şəbəkələrdə bəziləri elm adamlarına pulsuz mənzillərə sahib olacaqlarından dolayı gözaydınlığı verirlər.
Halbuki, əslində vəziyyət başqa cürdür.
Maraqlıdır, mənzillər ödənişli olacaq, yoxsa ödənişsiz?
Azərbaycan Milli Elmlər Akademiyasından (AMEA) Modern.az saytına verilən məlumata görə, alimlərə təqdim ediləcək mənzillər ödənişli olacaq:
“Lakin hazırkı bazar qiymətlərinə baxanda burada qiymətlər optimal qoyulub. 7 hektarlıq ərazidə reallaşdırılacaq bu layihə çərçivəsində, ümumulikdə 18 bloklu binanın tikilməsi və 1928 mənzilin istifadəyə verilməsi nəzərdə tutulur. Bunlardan 50 mənzil birbaşa satış üçün nəzərdə tutulub”.
AMEA əməkdaşları üçün nəzərdə tutulan mənzillər bir, iki və üç otaqlıdır:
“Həmin mənzillərin 1 kvadrat metri üçün nəzərdə tutulan ödəniş 370 manatdır. Amma 3 il müddətində ödənişlə 1 kvadrat metrin qiyməti 470 manatdır. Eyni zamanda, 3 il müddətində ödənişlə verilən mənzillər üçün ilkin ödəniş 2 119 manat , aylıq ödəniş isə 794 manatdır”.
Qeyd edək ki, AMEA əməkdaşlarının mənzil şəraitinin yaxşılaşdırılması məqsədilə tikilən “Science City” yaşayış kompleksinin həyəti və ətrafında böyük parkların salınması, 1, 2 və 3 otaqlı mənzillərin müasir dizaynda və yüksək keyfiyyətlə tikilməsi planlaşdırılır.
Şərhlər
Cox maraqlidir jurnalistlere weherde pulsuz menzil,alimlere sarayda pullu menzil?
bu mənzilləri şəhərdən kənarda tikməyin adı nədir! Yaxşi ki, Qobustanda tikmirlər!AMEA-nin əksər institutları şəhərdədir.
Özləri üçün ATV-nin yanında yuzlərlə mənzil neçə ildir tikilib. Onu satın camaata.Yazıq alim Sumqayıtdan hər gqn necə işə gələcək.O biri tərəfdən 85 yaşlı Əlizadədən nə gözləyəsən. Onun İnstitut diretorlarına verdiyi hüdudsuz səlahiyyətlər AMEA-nı ..... cevirib.Zoologiya İnstitutu (Elman Yusifov), Fizika İnstitutu (Nazim Məmmədov)və sair.Yeni insan yetişdirir...
AMEA-da alimə nə maaş verirlər ki, bu qiymətlə ev alsın? Görünür, kimlərsə, alimlərin adından istifadə edib bazar açmaq istəyir. Rəhmətlik Famil Mehdinin sözləri yada düşür: "Dilən professor, dilən!"