Bu gün Müsavat Partiyasının qərargahında Azərbaycan Xalq Cəbhəsinin (AXC) yaradılmasının 25 illiyinə həsr olunmuş tədbir keçirilib.
AXC hakimiyyətindən bəhs edən video-rolikin nümayişindən sonra çıxış edən Müsavat başqanı İsa Qəmbər, KXCP sədri Mirmahmud Mirəlioğlu, Milli Şuranın sədri Cəmil Həsənli AXC-nin Azərbaycanın müstəqillik tarixindəki müstəsna xidmətlərini vurğulayaraq, hərəkat üzvlərinin millətin azadlığı uğrunda fədakarlıqlarından söz açıblar.
Qeyd edək ki, AXCP sədri Əli Kərimli tədbirə dəvət olunsa da, gəlməyib. Ümumiyyətlə, AXCP-dən heç kim tədbirə qatılmayıb.
Xatırladaq ki, AXC 1989-cu il iyulun 16-da Bakıda keçirilən gizli konfransda təsis edilib. 1995-ci ildə AXC siyasi partiyaya çevrilib və AXCP adı alıb. Bu gün Azərbaycanda fəaliyyət göstərən olan partiyaların bir çoxu vaxtilə AXC-nin bazasında yaradılıb. /APA
Şərhlər