“Sayğaclara müdaxilə etmək mümkün deyil. Onların üzərindəki tarif qoyuluşunu dəyişmək olar. Çünki onlar multi-tarif rejimindədir”.
“Report” xəbər verir ki, bunu abunəçilərin ötən ay böyük məbləğdə işıqpulu gəlməsi ilə bağlı məsələlərə aydınlıq gətirmək üçün keçirilən tədbirdə “Azərişıq” ASC-nin Satış departamentinin nümayəndəsi Araz Məmmədzadə deyib.
Onun sözlərinə görə, sayğaclara yalnız fiziki müdaxilə mümkündür: “Biz abunəçilərə təklif edirik ki, onlar öz sərfiyyatlarını sayğacla uyğunlaşdırsınlar. Sosial mediada sayğacların göstəricilərinin dəyişdirilməsi ilə bağlı fikirlər yayılıb. Bildirmək istəyirəm ki, elektron və rəqəmsal sayğaclarda onların standartına görə, ancaq oxunma rejimində müraciət qəbul edilir. Yəni hansısa müdaxilə etmək və əməliyyat aparmaq, korreksiya etmək və sairlə bağlıdır”.
Ekspert Osman Gündüz isə bildirib ki, bu tipli müdaxilələr təkcə Azərbaycanda deyil, digər ölkələrdə də olub: “Mən öz fikrimin üzərində qalıram ki, sayğaclara müdaxilə olunub. Araşdırmalarım nəticəsində belə aydınlaşdı ki, bu, təkcə bizdə deyil, digər ölkələrdə də olub. Siz saytda elə bir şərait yaratmalısınız ki, onlar girib ötən ilin iyulunda və bu il nə qədər ödəniş etməli olduqlarını bilsinlər. Baş verənlər göstərir ki, nəsə olub. Bu birmənalıdır. Dünya standartlarında “billing” sistemi olan otaqda əməliyyat aparmaq üçün ən azı üç adam ora daxil olmalıdır. Sizdə isə bir nəfər də bəs edir. Bu isə düzgün bir şey deyil. Bizdə də bəzi dövlət qurumları var ki, onların da sistemi belədir. Yəni ən azı üç nəfər otağa daxil olanda sistem işə düşür”.
Ekspert hesab edir ki, beynəlxalq audit təşkilatları “Azərişığ”ı audit etməlidir: “Bu məsələlərdə maraqlı olan bir sıra dövlət qurumları var. Onlardan Xüsusi Dövlət Mühafizə Xidməti (XDMX) və yaxud elektron hökumətlə bağlı qurum sizin “billing” sisteminizi audit edibmi? Mən bildiyimə görə, bunu etməyiblər. Qanunvericiliyə görə, audit aparılmalıdır. Hesab edirəm ki, beynəlxalq audit təşkilatları “Azərişığ”ın hesablama sistemini audit etməlidir. Məncə, burada onların da nümayəndəsi olmalıdır”.
Şərhlər
Artıq əhali Azərişıqın ümumiyyətlə sayğac dələduzluğunun baş verdiyi öz təsdiqini tapır. Ümumiyyətlə bütün sahələrdə əhali müxtəlif üsullsarla talanır. Hər məmurun,deputatın,bankirin nazirin hərəsinin öz taktikası var ki əhalini soyub tam yoxsul vəziyyətə gətirsinlər,ölkədə narazılıq yaransın. Bunların nə etmək istədiklərini başa düşmək çətindsir. Bir qrup neft milyardlarını atdı,başqası ərzağın qiymətini qaldırır,bir başqası yol pulunu və.s. Bir sözlə hər bir tərəfdən giyenlər kimi sökürlər.
Bizim mənzildə 2 ədəd 40B lampa 24 saat yanır. Buna görə Azərişıq 16 AZN avans ödəməmizdən silib. Halbuki, 2 lampa aylıq cəmi 4 AZN lik enerji sərf edir. Bu sadəcə quldurluqdur, Azərcel, Bakcell, NarMobile kimi. belə də davam edəcək.