Prezident İlham Əliyev şəhid ailəsi üçün Azərbaycan Respublikası Prezidentinin təqaüdünün artırılması haqqında fərman imzalayıb.
"Report"a AZƏRTAC-a istinadən xəbər verir ki, fərman şəhid ailəsinin sosial müdafiəsini gücləndirmək və onlara dövlət qayğısını artırmaq məqsədilə imzalanıb.
Fərmana əsasən, şəhid ailəsi üçün Azərbaycan Respublikası Prezidentinin təqaüdünün aylıq məbləği artırılaraq 2019-cu il fevralın 1-dən 300 manat müəyyən edilib.
Nazirlər Kabinetinə bu fərmandan irəli gələn məsələləri həll etmək tapşırılıb.
Xatırladaq ki, bu məbləğ əvvəl 242 manat təşkil edib.
Şərhlər
Yəqin Qarabağ əlilləri də unudulmaz. Müqayisə üçün deyək ki, Qarabağ əlili ortalıq 150 manat təqaüd alır, bu da Milli Qəhrəmanların bu təqaüdündən 10 dəfə, şəhid ailələrinin təqaüdündən isə 2 dəfə azdır. Qanunvericiliyin tələblərinə görə, əlillər barədə ayrı-seçkilik qadağandır.