Hacıqabul rayonunda xəsarətlə nəticələnən yol-nəqliyyat hadisəsi baş verib.
APA-nın Mil-Muğan bürosunun məlumatına görə, hadisə Bakı-Qazax magistral yolunda, Hacıqabulun Padar kəndinin ərazisində qeydə alınıb.
Hadisə zamanı iki "KamAZ" markalı yük maşını toqquşub. Nəticədə 3 nəfər xəsarət alıb. Yaralılar xəstəxanaya yerləşdirilib. Onlardan ikisinin vəziyyəti ağırdır.
Yol qəzasının təfərrüatlarını Baş DYP İdarəsinin istintaqçıları araşdırır.
Şərhlər