Prezident Administrasiyasının (PA) Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevlə REAL Partiyasının sədri İlqar Məmmədov arasında görüş keçirilib. Bu barədə İlqar Məmmədov özü bildirib.
"Bu gün Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin dəvəti ilə REAL sədri olaraq görüşdüm, söhbət etdik. Hakimiyyət və müxalifət arasında siyasi dialoq və əməkdaşlığın vacibliyini söhbət zamanı qarşılıqlı olaraq bildirdik. Daha çox tanışlıq görüşü idi, bəzi perspektiv mövzulara sadəcə toxunduq. Ümid edək ki, bundan sonra müntəzəm ünsiyyət və əməkdaşlıq siyasi rəqabətin tərkibində layiqli yer alacaq", - deyə o qeyd edib.
"AzPolitika.info"nun məlumatına görüş, "Respublika" Qonaq Evində baş tutub.
Xatırladaq ki, fevralın 27-də Prezident Administrasiyasında Azərbaycan Xalq Partiyasının sədri Pənah Hüseynlə də görüş keçirilib.
Şərhlər
Torbada deyesen pishik var )))