“Büdcə vəsaitləri hesabına tikintidə çalışanların iş yerlərini qoruyub saxlamaq siyasəti özünü doğrultmayacaq. Tikinti sektorunun inkişafı üçün özəl tikinti şirkətlərinin fəaliyyətini canlandırmaq lazımdır. Yəni mənzil və istehsalat müəssisələri üçün bina tikintisinə icazə alma şərtləri xeyli sadələşdirilməli, sahibkarlardan qanunsuz tələblərə son qoyulmalı, onların ucuz kreditlərə çıxışı təmin olunmalıdır”.
“AzPolitika.info” xəbər verir ki, bunları Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev deyib. O, parlamentin sonuncu iclasındakı çıxışı və təkliflərilə bağlı suala cavabında bu barədə danışıb.
Xatırladaq ki, Q.Həsənquliyev Nazirlər Kabinetinin parlamentə hesabatının müzakirəsi zamanı dövlət büdcəsində tikintiyə ayrılan xərclərin iki dəfə azaldılmasını, elm və təhsilə ayrılan xərclərin isə iki dəfə artırılmasını təklif edib.
Deputat hesab edir ki, özəl tikinti şirkətlərinə dəstək verməklə, tikinti sektorunun canlanması iqtisadiyyatın bir çox sahələrinin inkişafına ciddi töhfə verəcək. “Bakıdakı Alatava, Papanin, Xutor və s. bu kimi adi standartlara cavab verməyən yaşayış məskənləri, köhnə 5 mərtəbəli binalar sökülüb, yerlərində müasir yaşayış kompleksləri tikilməlidir. Mövcud problemləri aradan qaldırıb tikinti sektorunu canlandırmaq üçün artıq Azərbaycan İnşaat Korporasiyası yaradılıb. Ümid edirəm, Prezident məmurların müqavimətini qıracaq və islahatların yolunu açacaqdır”.
Q.Həsənquliyev elm və təhsil xərclərini kəskin artırmaqla bağlı təklifini isə belə əsaslandırıb:
“Təhsilin inkişafı üçün isə məktəb müəllimlərinin minimal əmək haqqı 1000 manat olmalı və inflyasiyaya qarşı indeksləşdirilməlidir. Gənc ailələr üçün böyük maddi və psixoloji problemlər yaradan repetitorluğa son qoymaq üçün ali məktəblərə qəbul orta məktəblərin buraxılış imtahanlarının nəticəsinə uyğun olaraq həyata keçirilməlidir. Orta məktəblərdə birnövbəli təhsili təmin etmək üçün özəl orta məktəblərin tikintisi torpaq sahələrinin ayrılması, ucuz kreditlər və vergi güzəştləri yolu ilə stimullaşdırılmalıdır. Ali təhsil müəssiələrinin böyük əksəriyyəti, o cümlədən Elmlər Akademiyası özəlləşdirilməlidir. Elmlər Akademiyası özəl universitetə çevrilməlidir. Bütün inkişaf etmiş ölkələrdə əsas elmi araşdırmalar universitetlərdə aparılır. Mülkiyyət növündən asılı olmayaraq, bütün universitetlərin rektorları həmin ali təhsil müəssisələrinin elmi şuraları tərəfindən gizli səsvermə yolu ilə seçilməlidir. Universitetlərin fəaliyyəti üçün tələbə yataqxanalarının olması əsas şərt kimi qoyulmalı, tələbələrə təhsil kreditləri verilməlidir. Universitetlər üçün yüksək ixtisaslı müəllimlər hazırlamaq məqsədilə hər il 1000 (min) nəfər dövlət hesabına, eyni sayda şəxs isə universitetlərin öz hesabına dünyanın nüfuzlu universitetlərinə göndərilməlidir. Bu cür ciddi qərarlar qəbul etməklə, elmə və təhsilə ayrılan xərcləri ilkin mərhələdə ən azı iki dəfə artırmaqla, biz bu sahədə əhəmiyyətli uğurlar qazana bilərik”.
Vaqif NƏSİBOV
AzPolitika.info
Şərhlər
Harda olur-olsun? Virusun müalicəsini, ya DQMV həllini verib, haqqını alsın!
Məmurların bir hissəsinin təmiz azərbaycanlı olmadığı bir çox atributlarla təsdiq olunur.Məsələn Azərbaycan dilində səlist danışa bilməmək,ad və spyadlarının sonradan dəyişdirilməsi və buna icazə verən qərarı qəsdən ortaya çıxaranlar,hərəkət və danışıqları ilə xalqa zidd olanlar, və sair həşaratlardır. Misal istədiyiniz qədər ətrafınızdadır.
Ne qeder ki Arpadariler Bextiyarlardan ustun olacaq bu durum bele de davam edecek. Ve bele duputatalar da xal qazanmaq uchun
Qudret Hesenquliyev, sen deqiq bilirsen ki, AMEA-nin boyuk binasi ve bu binanin icherisinde chox bahali mebeller, mohteshem lyustralar, kompyuterler ve muxtelif bahali avadanliqlar var, butun bunlarin heqiqi qiymeti milyardlarla dollardir, MAFIOZLAR fursetden istifade edecek, QEPIK - QURUSH ile TEZLIKLE, "PRIXVATIZASIYA" edib AMEA - nin binasini ve icherisindeki butun bahali , chox deyerli her bir sheyleri MENIMSEYECEK........ve URRRRAAAA !!!! deyecek, chunki, MAFIOZLAR yaxshi bilir ki, Azerbaycanda Universitet bitirmish gencler ishsizdirler, hetta fehle kimi ishlemek shanslari chox azdir. Rushvetxor, korrupsioner, oqru, qudurmush, hiyleger, yaltaq, heyasiz , deleduz unsurler , koronavirusla muqyisede, daha chox tehlukelidir cemiyyete........
Bizlər yalağa,qlobaşaya öz doğmamızın tikəsini belə buraxırıq?
RF və Haysdan qeyri, nəinki texniki-hüquqi ölkələr, öz kəndimizi tanımırıq?
Uzun illərdir Elmlər akademiyasının büdcədən vsaitlər almış saysız hesabsız institutlarında bir dənə də olsun fundamental nəticə ortaya çıxarılmayıb.Bu qurum bir qrup şəxsin kormuşkasına çevrilib.Elmlər Akademiyası nəhayət öz adına müvafiq elmi axtarış və ölkə üçün fayda verəcək işlərlə məşğul olmalı və hesabatlılq diqqətdə saxlanılmalıdır.Oraya abuturiyent qəbulu mənasız,lazımsız və artıq məsələdir.Ona görə tklif düşünülməmiş olmaqla ,yanlışdır.fbbl
Azərbaycanda universiet.universitetlərdə ixtisaslar ölkə tələbatına uyğun hala gətirilməlidir.Gənclərə diplom satan,savadsızlıq ,işsizlər ordusu yaradan ,təhsil möhtəkirlərinin yalançı universitetləri ləğv olunmalıdır.uUniversiyt bitirən hər bir gənc işə təyinatla təmin olunması zəruriyyətini hakimiyyət başa düşməli və izafi,lazım gəlməyən,ölkə üçün əhəmiyyətli ixtisasları , tələb olunan hazırlıq bazası, təhsil keyfiyyətləri olmayan,kiminsə xatirinə yaradılan təhsil müəssisələri olmamalıdır. Üumiyyətlə təhslin strateji əhəmiyyəti dövlət tərəfindən diqqətdə saxlanılmalıdır.ç.
indiyə qədər xaricdə oxuyub qurtaranlara iş yeri var ki?
Qüdrət bey sən doğrudan da o parlamentdə müxalifətsənsə dirəniş göstər tələb edt ki, heç olmasa o dedikləri 190 manatın insan kimi versinlər kasıblara asan yolla hamı ala bilsin. Çorək pulu yoxdur. Çətindir yaşamaq. Toxun acdan xəbəri yoxdur.
Yavaş-yavaş Azərbaycanın milli atributlarına çevrilmiş yerləri də dağıtmağa əl uzadılır.Anlamaq olmur ki,bunlar doğrudanmı azərbaycanlıdırlar?Nə yaxşı ki bu adamların əlində Xudayar bəyin dəyənəyi yoxdur.Yoxsa..