Türkiyənin Hərbi Hava Qüvvələri terrorçuluğa qarşı yeni “Qartal caynağı” əməliyyatı çərçivəsində İraqın şimalında PKK-nın mövqelərinə zərbələr endirməyə başlayıb.
“Report” Türkiyə mətbuatına istinadən xəbər verir ki, bu barədə Milli Müdafiə Nazirliyi özünün “Twitter”dəki səhifəsində bildirib.
"Qartal caynağı" əməliyyatı başlandı", - nazirliyin xəbərində deyilir. Türkiyənin müdafiə qurumu bildirib ki, hərbi təyyarələr PKK-çıların gizləndiyi bazalara atəş açır.
Qeyd edilir ki, İraqın şimalındakı Avaşin, Basyan, Hakurk, Sincar, Qəndil, Zap bölgələrində yerləşən terror obyektlərinə qarşı hərbi hava əməliyyatı təşkil olunub.
Nazirliyin açıqlamasında PKK terror qruplaşmasının son vaxtlar Türkiyəyə hücum təşəbbüslərinin artdığı vurğulanır.
Şərhlər
Türk qardaşlarımıza uğurlar arzulayaq və tezliklə eyni əməliyyatı Azərbaycanda da dərin kök salmış PKK-ya simpatiyası olan qüvvələrinə qarşı keçirilməsini arzulayaq.