“PUTİNİN LİMUZİNİ” BAKIYA NECƏ GƏLİB ÇIXIB? – Satışda yoxdur... + FOTOLAR

Rusiyanın yüksək vəzifəli şəxslər üçün istehsal edilən “Aurus Senat” limuzinin nümunələrindən biri Bakı küçələrində görünüb. Avtomobilin fotosu “carsinbaku_official İnstagram” səhifəsində yerləşdirilib, həmin fotoya bir çox Rusiya saytları diqqət yetiriblər.

Fotoya əsasən “Aurus Senat” Azərbaycan dövlət nömrə nişanı (90 MC 002) daşıyır. Rusiya saytları qeyd edirlər ki, avtomobilin Azərbaycana necə gedib çıxdığı məlum deyil, çünki “Aurus Senat”ı fərdi müştərilərə hələ satmırlar və ancaq gələn il sifarişlər qəbul olunacaq.

“Avtonovostidnya.ru” portalı ehtimal edir ki, ola bilsin avtomobil Rusiyanın Bakıdakı səfirliyinə məxsusdur. Digər mümkün variant isə avtomobilin qızmar iqlim və dağlıq ərazilərdə sınaqdan keçirilmək üçün Azərbaycana göndərilməsidir.

“Aurus” MMC şirkətinin rəhbəri Adil Şirinov bildirib ki, “Aurus Senat” modelinin seriya istehsalını ancaq 2020-ci ilin noyabrında başlamaq planlaşdırılır. Avtomobil “Ford Sollers” birgə müəssisəsinin Tatarıstanın Yelabuqa şəhərində yerləşən zavodunda yığılacaq.

“Bu il ərzində biz pilot partiyanın yığımını planlaşdırırıq-noyabrın sonlarında ilk kuzovu qaynaq edəcəyik. Və 2021-ci ilin mayında ilk sifarişləri təhvil verəcəyik”,-Adil Şirinov “Kommersant”a bir müddət əvvəl verdiyi açıqlamada bildirib.

Avtomobilin kuzovu, mühərriki və transmissiyası Rusiyanın öz istehsalıdır, hərçənd avtomobilin yığılmasında xarici detallardan da istifadə olunur.

Qeyd edək ki, “Aurus” Rusiyada hakimiyyətin yüksək vəzifəli şəxsləri üçün nəzərdə tutulmuş modeldir və “Putinin limuzini” kimi tanınır.

Artıq Rusiya prezidenti vahid nümunədə yığılmış zirehli “Aurus Senat Limousine” xidməti avtomobilindən istifadə edir. (virtualaz.org)

635x100

Şərhlər

ejder 2020-06-22 00:43:43

YEQIN KQBEWNIK PUTIN ONU AQENTINE GONDERIF

Roman 2020-06-21 23:56:54

Zavodun direktoru azerbaycanlidir.

Xanoğlan Əhmədov 2020-06-21 18:03:31

Burada heç bir sirr pərdəsi yoxdur. Hamıya məlumdur ki, bu seriyada olan maşınlar professor İlham Rəhimova məxsusdur. Bu barədə İlkxeber.org saytında məlumat verilib. Bu linkdən oxuya bilərsiniz: https://ilkxeber.org/putinin-limuzini-kimi-taninan-aurus-senatin-az%c9%99rbaycanli-sahibi-kimdir/

Fariz 2020-06-21 15:32:22

Burada şübhəli nə var ki? Kimlər Putinlə görüçə bilmək mkanına malikdirsə,ola bilsin Putin ona hədiyyə edib.u

Toğrul 2020-06-21 15:16:57

Yagin ki bu Vladimir Putinin dostu İlham Rəhimovun maşınıdı

Son yazılar