Deputata YAP-da vəzifə verildiyi təsdiqləndi

Yeni Azərbaycan Partiyasının (YAP) Təşkilat şöbəsinin müdiri vəzifəsinə təyinat olub. Bu barədə “Report”a YAP-ın Mətbuat Xidmətinin rəhbəri Hüseyn Paşayev məlumat verib.

H.Paşayev bildirib ki, bu vəzifəyə YAP Qaradağ rayon təşkilatının sədri Aydın Hüseynov təyin olunub: “O, vəzifəsini ictimai əsaslarla yerinə yetirəcək”.

Qeyd edək ki, Milli Məclisin deputatı A.Hüseynovun YAP Təşkilat şöbəsinin müdiri vəzifəsinə təyinat alması barədə dünən "AzPolituka.info" məlumat verib. O, bu yaxınlarda YAP-dan istefa verən deputat Siyavuş Novruzovu əvəz edəcək.