Bu ilin I yarısında ABŞ və Çin arasında qarşılıqlı investisiya qoyuluşu 10,9 milyard ABŞ dolları təşkil edib ki, bu da 9 illik minimumun yenilənməsidir.
“Report” bu barədə xarici mətbuata istinadən xəbər verir.
Məlumata görə, son 1 ildə Çindən ABŞ-a investisiya qoyuluşu 38,2% artaraq 4,7 milyard dollara çatıb. Kəskin artım Çinin “Tencent Holdings Ltd” şirkətinin ABŞ-ın “Universal Music Group Inc” şirkətinin 3,4 milyard dollar dəyərində səhmlərini alması hesabına baş verib.
Hesabat dövründə ABŞ-dan Çinə investisiya qoyuluşu isə 31% azalaraq 4,1 milyard dollara düşüb.
Şərhlər