Şəhid baş leytenant ölümündən sonra oğul atası oldu - VİDEO

Qax rayonunun Cəlayir kəndindən olan Qorxmaz Əlizadə Vətən Müharibəsində şəhid olub. Baku TV xəbər verir ki, oktyabrın 17-də Füzuli rayonu istiqamətində gedən döyüşlərdə düşmən gülləsinə tuş gələn qəhrəmanımız döyüşdüyü müddət ərzində xüsusi rəşadət göstərib. 

Bir çox erməni postlarının alınmasında xüsusi rolu olan 25 yaşlı Qorxmaz sonda ən ali zirvəyə ucalıb. Onun yoxluğu ilə barışa bilməyən ailə indi Qorxmazın yadigar qoyub getdiyi iki yaşlı qızı və yeni doğulmuş oğlu ilə təskinlik tapır.

Evin sonbeşiyi olan Qorxmaz 10 yaşında anasını itirib. Məktəb illərindən seçdiyi yolla gedən Qorxmazın bir məqsədi olub - hərbi biliklərə yiyələnmək və general olmaq. Ömrünün 25-ci baharında şəhid olan qəhrəman zabit baş-leytenant rütbəsinə qədər yüksəlib.

Şəhidin bayrağa olan sevgisi isə bir başqa idi. Həmişə cibində üçrəngli bayrağımızı gəzdirərdi.

Qeyd edək ki, baş leytenant Qorxmaz Əlizadə kəşfiyyat komandiri olub. O, başçılıq etdiyi döyüş yoldaşları ilə birlikdə çox sayda erməni hərbçisini, o cümlədən, onların döyüş postlarını darmadağın edib.

635x100

Şərhlər

Babek 2020-11-25 21:04:44

Alan saxlasin

Xalq 2020-11-25 20:52:14

Allah cəmi şəhidlərimizə rəhmət eləsin! Balaları torpağı sanı yaşasın inşaallah!

Son yazılar