"Bu gün rəqibimin günü deyildi. Oyuna başlayanda onun favorit, bir qədər üstün olduğunu düşünürdüm".
"Report"un məlumatına görə, bu fikirləri ABŞ şahmatçısı Uesli So Çempionlar Turunun "Opera Euro Rapid" adlanan 3-cü mərhələsində Azərbaycan təmsilçisi Teymur Rəcəbova qalib gəldiyi yarımfinal görüşü barədə danışarkən deyib.
28 yaşlı qrossmeyster həmyerlimizin əla şahmatçı oldğunu bildirib: "Açıq deyə bilərəm ki, bu gün onda nələrsə düz getmədi".
Qeyd edək ki, yarımfinalda uduzan Teymur Rəcəbov bu gün və sabah fransalı Maksim Vaşye-Laqravla 3-cü yer uğrunda görüşlər keçirəcək.
Şərhlər