AZAD RƏHİMOV 100 MİLYONLARI HARA XƏRCLƏYİB? - Gənclər və İdman Nazirliyində korrupsiya həbsləri ola bilər
Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicəsini davam etdirir. Xəstəxanada olduğu müddət ərzində Azad Rəhimovu 1-ci müavini İsmayıl İsmayılov əvəz edirdi. Amma iki gün əvvəl həm də Ağır Atletika Federasiyasının I vitse-prezidenti İsmayıl İsmayılovun səhhətində də problem yaranıb. Belə xəbərlər var ki, İsmayıl İsmayılov yıxılaraq xəsarət alıb.
Gənclər və İdman Nazirliyinin mətbuat xidmətinin rəhbəri Səmayə Məmmədova ABŞ-da müalicə alan nazir Azad Rəhimovun səhhəti ilə bağlı danışarkən onun Bakıya dönməsi ilə bağlı suala “Azad müəllimin nə vaxt vətənə qayıdacağı dəqiq bilinmir. Müalicəsi bitəndə Bakıya qayıdacaq” cavabını verib.
Yada salaq ki, Azad Rəhimov 2006-cı ildə gənclər və idman naziri təyin edilib. Həmin dövrdə ölkədə idman-konsert komplekslərinin tikintisi aparılırdı və bir çox obyektlər Azad Rəhimovla əlaqəli şirkətlər tərəfindən tikilir, təmir olunurdu.
Ölkədə dövlət sifarişli təmir-tikinti işlərinin böyük korrupsiya əməlləri ilə gerçəkləşməsi kimsəyə sirr deyil. Azad Rəhimovun adına bağlı şirkətlərin də adı korrupsiyada hallanırdı. Məlumatlara görə, nazirlikdə xeyli pozuntular, maliyyə maxinasiyaları var. Azad Rəhimovun nazirliyə biznesdən gəldiyi sirr deyil. Onun və oğlunun həm ölkə daxilində, həm xaricdə müxtəlif profilli şirkətləri olduğu da məlumdur. Mədəniyyət Nazirliyindən sonra burada da həbslər olacağı haqda mediada iddialar vardı, amma müharibə başladı və bəzi məsələlər ikinci plana keçdi. İddialar var ki, nazirin müalicəsini başa vurub qayıtmasını gözləyirlər. Onun uzun müddətdir xəstə olmasına baxmayaraq, istefa barədə ərizə verməməsinin səbəbi də budur.
Vətən müharibəsindən əvvəl üzə çıxan məlumatlardan belə aydın olurdu ki, Azad Rəhimov və ailəsinə yaxın şirkətlərə dövlət büdcəsindən üst-üstə 100 milyon manatdan artıq vəsait köçürülüb. Həmin vəsaitlərin təyinatı üzrə xərclənməməsi, mütəxəssis adı ilə ölkəyə dəvət edilən əcnəbilərin qul kimi işlədilməsi və s. hallar Mütəşəkkil Cinayətkarlıq və Korrupsiyanın Araşdırılması üzrə Beynəlxalq Jurnalist Layihəsinin (OCCRP) araşdırmalarında da yer alıb. Yayılan məlumatlar Rəhimova yaxın firmaların 10 ildən çox müddət ərzində fəaliyyətinə aid idi.
Bir neçə hissədən ibarət araşdırma müasir Avropada əmək istismarı haqqında ən böyük qalmaqalın mərkəzində qalan ofşor “SerbAz” şirkətinin fəaliyyətindən bəhs olunur.
2006-2009-cu illərdə şirkət Bakıda bir sıra binaların, xüsusən mühüm dövlət tədbirlərinin keçirildiyi “Buta Palace” sarayının və “Baku-Expo” sərgi mərkəzinin tikintisi və təmiri işləri üçün Balkanlardan 700-dən çox işçi cəlb edib. Bu layihələrin həyata keçirilməsi Gənclər və İdman Nazirliyi tərəfindən maliyyələşdirilib. “Əcnəbi işçilərlə müasir qul kimi davranırdılar. Onlar darısqal şəraitdə saxlanılır, az yeməklə təmin edilirdilər. Bu zaman onlar gündə 12 saat işləyirdilər. Pasportları müsadirə edilmişdi, əmək haqları isə kəsilirdi, bəziləri döyülüb, iki nəfər isə vəfat edib”, deyə araşdırmada qeyd edilir. Əcnəbilərin müqavilə üzrə vəd edilən ödənişin edilməməsi ilə bağlı şikayətlərinə məhəl qoyulmayıb. Araşdırma göstərib ki, “SerbAz”ın güclü hamisi ölkənin gənclər və idman naziri Azad Rəhimov olub.
“SerbAz”ın bir neçə il ərzində çoxmilyonluq dövlət sifarişləri aldığı və Rəhimovun həyat yoldaşının adına olan şirkətlə - ziynət əşyalarının idxalçısı olan “İtalDizain”lə müqavilələr bağlayıb. 2006-cı ildə nazir olana qədər Rəhimov özü “İtalDizain”in direktoru olub.
2006-cı ilin sonlarında Azərbaycanda növbəti ilin yayında bədii gimnastika üzrə Avropa çempionatı keçiriləcəyi elan edilib. Bunun üçün böyük idman kompleksi təmir edilməli idi və Gənclər və İdman Nazirliyi bu işlər üçün “SerbAz”la 5,3 mln. dollar dəyərində müqavilə bağlayıb. Azad Rəhimovdan niyə bu şirkəti seçdiyi soruşulduqda o, bunu obyektin “mürəkkəb konfiqurasiyaya və memarlığa” malik olması və onun yenidənqurması üçün xaricdə istehsal olunmuş “müasir materiallar” lazım olması, buna görə “bu sahədə böyük təcrübəsi olan” operator lazım olması ilə izah edib.
Maraqlıdır ki, müqavilə bağlanmazdan əvvəl “SerbAz” mövcud olmayıb və Azərbaycanda bir həftə sonra qeydiyyatdan keçib. Bundan başqa, yerli KİV-lər şirkətin bu işlər üçün rəsmi olaraq seçilməzdən bir il əvvəl işlərə başladığı barədə məlumat yayıblar. İlk yenidənqurmadan sonra “SerbAz” Rəhimovdan əlavə işlər üçün 700 min dollarlıq daha bir müqavilə alıb. Bu məlumatlar Rəhimovun prokurorluğa göndərdiyi rəsmi məktubdan götürülüb.
O, bu məktubda rəhbərlik etdiyi nazirliyin “SerbAz”la əməkdaşlığının səbəblərini izah edir. 2007-ci ildən 2009-cu ilə qədər əcnəbi işçilər – bərpasına 20,9 milyon dollar ayrılan “Səadət Sarayı”nın, tikintisinə 38,8 milyon dollar ayrılan Mingəçevir şəhərindəki Avarlı Olimpiya Mərkəzinin, həmçinin Gənclər və İdman Nazirliyi tərəfindən maliyyələşdirilən daha 6 layihəyə cəlb olunublar. SerbAz-ın digər layihələri arasında “Buta Palace”, “Baku Expo” sərgi mərkəzi və “28 Mall” olub. Azad Rəhimovun “SerbAz”la əlaqəsini gizlədən yurisdiksiya sistemini ifşa etmək üçün illər tələb olunub. Bu şirkət müxtəlif yurisdiksiyalı iki ayrı şirkət kimi qeydiyyatdan keçib.
Azərbaycanda o, “SerbAz Design and Construction” adı altında işləyir və Antil adaları ofşor zonasında qeydiyyatdan keçdiyi üçün əsl sahibləri məlum olmayan “Acora Business” firmasına məxsusdur. Digər “SerbAz” Niderlandda “SerbAz Property” kimi qeydiyyatdan keçib, amma onun sənədləri mütləq anonimliyi təmin edir.
OCCRP araşdırmaçıları əcnəbilər vətənlərinə qaytarıldıqdan sonra Azərbaycanın “Creacon Constructioan” şirkətinin “SerbAz”dan tikinti işlərini aldığını müəyyən ediblər. 2012-ci ildə Azərbaycan korporativ informasiyaya çıxışı məhdudlaşdıraraq, şirkətin mülkiyyət strukturunu məxfiləşdirib. Amma buna qədər Azərbaycanlı jurnalistlər məlumatlar bazasının bir hissəsini əldə etməyə müvəffəq olub, bu məlumatlara əsasən “Creacon”un iki səhmdarından biri “İtalDizain Group”dur. “İtalDizain” bu gün böyük holdinqə çevrilib, buraya onlarla firma, o cümlədən telekommunikasiya, rieltor (alqı-satqı) firmaları, habelə “Cartier”dən “Baccarat”a qədər premium sinfi butiklər daxildir. Milyonlarla veb-saytdan ibarət olan İnternet-arxiv “İtalDizain” saytının erkən versiyalarını saxlayıb.
Burada 2009-cu ilin yanvarında şirkətin “SerbAz”ın törəmə şirkəti olaraq göstərildiyi korporativ strukturu əksini tapıb. Məhz həmin il “SerbAz” işçilərinə qarşı amansız rəftardan bəhs edilib. Jurnalistlər korporativ hesabatlar vasitəsilə “İtalDizain”ın Lüksemburqun “Argulux” şirkətinə məxsus olduğunu müəyyən ediblər. O, öz növbəsində gənclər və idman naziri Azad Rəhimovun həyat yoldaşı Zülfiyyə Rəhimovaya məxsusdur. “SerbAz”ın işçilərə qarşı amansız davranışı haqqında qalmaqalın araşdırılması Bosniyada davam etdirilib və yerli prokurorluq “SerbAz”ın yerli nümayəndəliyinin 13 əməkdaşı barəsində insan alverinə görə 4 ittiham hökmü çıxarıb. 2019-cu ilin sonlarında dörd təqsirləndirilən şəxs təqsirini etiraf edib və mühakimə olunub. Amma Azərbaycanda heç bir araşdırma aparılmayıb.
Anonimlik şərti ilə jurnalistlərlə söhbət edən “SerbAz”ın menecerlərindən birinin verdiyi məlumata görə, layihə pulları şirkətin baş ofisinə çamadanlarla nağd vəsait şəklində daxil olub. Sement və digər materialların tədarükçüləri bu vəsaitdən lazımi uçot prosedurları olmadan ödəniş alıb. Eyni zamanda, ofşor hesablara elektron pul köçürmələri həyata keçirilib. Pulun bir hissəsi 2009-cu ilin payızında, işçilərin pulları yoxa çıxdığı vaxt mənimsənilib.
Gənclər və İdman Nazirliyi işçilərə qarşı amansız davranış faktları elan edildikdən sonra da “SerbAz”a ödəniş etməyə davam edib, 2009-cu ilin noyabrında şirkətə 4,4 milyon dollar göndərib. Növbəti il nazirlik şirkətə əlavə olaraq 10 milyon dollar ödəyib. OCCRP-nin sərəncamında Gənclər və İdman Nazirliyinin “SerbAz”a bütün ödənişləri əks etdirən rəsmi hesabatları var. Şirkət fəaliyyətini dayandırdıqdan sonra belə köçürmələrin böyük hissəsi davam edib. Göründüyü kimi Azad Rəhimov rəhbərlik etdiyi nazirlikdə də bu günə qədər istintaqçıların baş çəkdiyi nazirliklərdə olduğu kimi böyük korrupsiya var. Gələn məlumatlar onu deməyə əsas verir ki, araşdırmalarla ortalığa çıxarılan korrupsiya əməlləri tezliklə ittiham aktlarında yer ala bilər.(musavat.com)
Şərhlər
Allah şefasını versin cavan adamdır,tez sağalsın.Bir şey yadıma düşdü.Rehmetlik Marqarita Tetçer Böyük Britaniyanın baş naziri olanda ABŞ resmi sefere gedirmiş,qızını da özü ile bir teyyarede getmeyini isyeyir be müraciet edir dövlete,cavab veririler ki problem yoxdur hemin teyyareye bilet alsın ve anası ile birlikde hara isteyir getsin .İndi bizim hörmetli nazirimiz neçe aydır ABŞ -da müalice alır tebii ki özel xestexamada.Göresen bizim nazirlik onun emek haqqını vaxtlı baxtınds ona göndere bilirmi be nu emek haqqı onun xerclerini ödeyirmi Adam narahat olut da qerib yer xeste adsm Allah kömeyi olsun
ssri dönəmində ticarətçini vəzifəyə qoymurdulqr ki, əli pula dəyib, yəni öz pulu ilə dövlətin pulunu tanımayacaq... Kommersantların vəzifədə olması dövlət əmlaklarının dağıdılmasına gətirib çıxarıb ?
1986-cı ildə Azərbaycan Dillər Universitetinin axşam şöbəsini bitirərək, ingilis dili müəllimi ixtisası üzrə ali təhsil alıb. 1994–1998-ci illərdə "Ros-İMESKO" Məhdud Məsuliyyətli Cəmiyyətin baş direktoru, 1998-ci ildən 7 fevral 2006-cı il tarixədək "İtaldizayn" Qapalı Tipli Səhmdar Cəmiyyətin baş direktoru vəzifəsində işləyib. Azərbaycan Respublikası Prezidentinin 175 nömrəli, 7 fevral 2006-cı il tarixli Sərəncamı ilə Gənclər və İdman Naziri vəzifəsinə təyin edilmişdir. Maraqlıdır, deyilmi? Bir gün də idarəçilik səriştəsi olmayan birisini gətirib ölkə əhəmiyyətli nazirliyə rəhbər təyin edəndə başqa nə cür ola bilər? İongilis dili müəllimidirsə, qoy getsin tələbələrə b dilin incəliklərini öyrətsin. Odr, fransız dili müəllimin birini gətirib Baş nazir qoydlar, sonra məlm oldu ki, kimdənsə 200.000 ABŞ dolları alıb. İNDİ DƏ QAYTARA BİLMİR. Allah Üzeyir bəyə rəhmət eləsin, “O olmasın, bu olsun” filmində Sərvər gəlin paltarını soyunub qaçanda Məşədi İbad baş barmağını tumanın içinə soxub soruşur ki, bu gəlini gətirəndə baxmazlarmı, bu kişidir ya arvad. Kimsə kiminsə dostu, tanışı ola bilər, amma dövlət idarəçiliyində, idarəetmədə şəxsi münasibətlər qətiyyən işə yaramır, bura uşaq bağçası deyil. Allah nazirimizə şəfa versin. Bir şey maraqlıdır ki, bunlarla bağlı bir məsələ gündəmə gələndə bunların ya qarnı ağrıyır, ya da xəstəlikləri peyda olur. Vallah, kənardan Azad Rəhimova baxırsan, Hollandiya buğalarına oxşayır. Əgər onda hansısa xəstəlik varsa, onun azarı mənim canıma gəlsin. Razı olmaram bizim nazirimizə nəsə olsun. O korrupsiya azarına tutulub, bu xəstəlik isə dərmanla müalicə olunur, bu dərmanın adı isə Penitensiarumdur. Cinayət Məcəlləsində isə bir sıra “ŞƏXSİYYƏTİN AZADLIĞI VƏ LƏYAQƏTİ ƏLEYHİNƏ OLAN CİNAYƏTLƏR” həbləri var. Seçim də müxtəlifdir. İnsan alveri, Məcburi əmək, İnsan alveri məqsədi ilə sənədlərlə qanunsuz hərəkətlər. Daha da təsirli dərmanlar mövcuddur. Məs., Vəzifə səlahiyyətlərindən sui-istifadə, Vəzifə səlahiyyətlərini aşma, Vəzifəli şəxsin səlahiyyətlərini mənimsəmə, Rüşvət alma (passiv rüşvətxorluq). Bunlar daha təsirli dərmanlardır. Bu kişinin müalicəsi yalnız bunlardır. Nazirimizin şəklinə baxıram, vallah onu təkbaşına kotana da qoşmaq olar. Bunların “müalicəsinə” başlanılsa, güman edirəm ki, bütün nazirlik korrupsiya xəstəliyinə tutulacaq. Bu da pandemiya kimi bir azardır. Bu gün ölkə başçısı Qarabağın çiçəklənəcəyi ilə bağlı mesaj verir. Bu gedişlə bunu nə biz, nə də Prezidentimiz görə bilməyəcək, çünki bu hansısa fondların hesabına mümkün olmayacaq. İnvestisiyalar da bəs etməyəcək. Canlı investisiyalar böyrümüzdədirlər. Canları çıxsın, necə mənimsəyiblərsə, eləcə də dolanışıqları üçün saxlamaq şərti ilə dövlətə kömək etsinlər. Onları Qann da, Prezident də, xalq da bağışlar. Əks halda bunlar min bir bəhanə ilə müalicə adı ilə ölkəni tərk edəcəklər. Bunların hamısın ölkədən çıxışına stop qoymaq lazımdır. Hörmətli Azpolitika, bu məmləkəti quranlardan biri də Sizin saytınız olacaq.
Tel-Əviv də keçirilən cüdo üzrə çempionata baxıram və təəccüb edirəm, yəni Azərbaycanda idmançı yoxdurmu, Azərbaycannın adından kOTSOYEV ADINDA idmançı çıxış edir. Kül olub bu nazirliyin təpəsinə. Öş işi ilə məşğul olsa idilər öz idmançılarımız Azərbaycanı təmsil edərdilər. Son nəticədə isə o rusiya idmançısına məğlub oldu. Heyif səndən Azərbaycan....
Milyonları deyil,milyardları hara xərcləyib deyilsə dağru olar. Köpünü alacaqlar.
Ya bu millətin içərisində doğru-düzgün insan yoxdur, ya da bilnməyən bir qara qüvvə yaramazları seçərək yüksək vəzifələrə doğru itələyir.
Mən hesab edirəm ki, Azad Rəhimov və digərlərinin rüşvətxor olmaları sübut edilməli, bu barədə məhkəmə qərarı olmalıdır. Bu şaykanın içərisində eləsi var ki, o, rüşvətxor olduğunu özü etiraf edib və etirafdan sonra bu adam haqqında heç bir tədbir görülməyib. Bu adam Hacıbala Abutalıbovdur. 2004-cü ildə Bakı şəhər İcra Hakimiyyətində keçirilən iclasda Hacıbala Abutalıbov özünü “iyrənc rüşvətxor” adlandırıb və bu hadisəyə həsr olunmuş onlarla məqaləni, mən, Hacıbala ilə məhkəmə çəkişməsində hakimə təqdim etmişəm və işdə var. Əvvəlcə rüşvətxor olduğunu etiraf edən barədə tədbir görülməli, sonra şaykanın başqa üzvlərinin rüşvətxorluğu sübuta yetirilməlidir.
Kim nümunə üçün YAP=ın nazir,icra başçısı,Komitə sədri,və onların müavinləri arasında namusla,rüşvətsiz.oğurluqsuz,korrupsiya etmədən və büdcə dağıtmadan işləyənləri olubmu? Olubsa misal göstərə biərmisiniz? Əgər belələrru yoxdursa YAP-ın bir paryiya kimi fəaliyyətiini necə qiymətləbdirirsiniz? Bu YAP dərhal buraxılmalı deyilmi?
Bunlar hamısı bir mərkəzdən idarə olunub.Arturdan başlamış indiyə qədər.Ona görə onların gümahını onlardan yuxarıda duranlarda axtarmaq doğru olar....
İnanmağım gəlmir bu Azad yani belə iş görə bilər?
Nazirin Şəki Gənclər və İdman İdarəsinə təyin etdiyi müdirdən ( Daşqın Mikayılov ) bəllidir onun işlərində korrupsiya əməllərinin olması ? İdarəyə idmançı təyin etmək əvəzinə, özünü gücnən idarə edən adam təyin edibdir, belə hallarda gənclərimizin idmana olan həvəsini öldürür... Dövlətimizə vəxalqımıza xəyanət edən məmurlar haqqında çox ciddi cəza tədbirləri görülməlidir.... Korupsionerlər vəzifədən təmizlənməlidir.....?
vampirlər, mütəşəkkil oğrular və moşenniklər bandası!
Azad Rəhimov nazir olanadək-komsomoldan sonra biznesmen idi."İtaldizayn" mebel dükanları,Lüksemburq çini qablar mağazaları və onlarla digər gəlir sahələri onunkudur.Harda görünüb ki,biznesmeni nazir qoysunlar?Biznesmen,əlbəttə,harda olsa qamarlamaqla məşğul olacaq.
Azad qayıdası olmadı...
Quldurlarrrrrrrrrrrrrrrr!
Bu talançı da yəqin ki bie neçə yüz milyon atıb biz millətə