Prezident Administrasiyasının keçmiş şöbə müdiri Əli Həsənovun səhhətində ciddi problemlər yaranıb. “Demokrat. az” saytı mötəbər mənbələrə istinadən yazıb ki, o, ağır stressdən dolayı iflic olub. Nəticədə Ə.Həsənovun üz əzələləri deformasiya olduğu bildirlir...

İddia olunur ki, Yeni Azərbaycan Partiyasının martın 5-də keçiriləcəyi gözlənilən növbədənkənar qurultayında partiyanın İdarə Heyətindən kənarlaşdırılacağı barədə məlumat aldıqdan sonra keçmiş şöbə müdirinin səhhəti pisləşib.

O, bu barədə informasiyanın yayılmaması üçün həkimə müraciət etməyib, ev şəraitində türkəçara üsulla müalicə olunmağa çalışır.

Qeyd edək ki, Azərbaycanda üz sinirlərinin iflici geniş yayılıb. Həkimlər bildirirlər ki, müxtəlif səbəblərdən –travma, şiş, iltihab və s. üz sinirinin iflici baş verə bilər. 

Üz sinirinin iflici ilə yanaşı çox zaman şəkərli diabet, hipertoniya da aşkar olunur.

“AzPolitika.info”