“İllərdir Fələstində, xüsusən də Qüdsdə davam edən və Ramazan ayının son günlərində daha da şiddətlənən hücumlar səbəbiylə bayrama kədərli bir şəkildə daxil olduq. Çünki dərd içindəyik, dərdimiz var”.
Bunu Türkiyə prezidenti Rəcəb Tayyib Ərdoğan deyib.
O qeyd edib ki, rəsmi Ankaranın bu məsələ ilə bağlı tamamilə prinsipial mövqeyi var: “Azərbaycanın Dağlıq Qarabağı və işğal olunmuş digər ərazilərini azad etməsi üçün apardığı mübarizəni hansı formada dəstəklədiksə, bu gün də zülmə qarşı eyni duyğu ilə davranırıq. Suriya ilə sərhədlərimizdə qurulmağa təşəbbüs göstərilən terror dəhlizinə icazə vermədiyimiz kimi, bu gün də Əl-Əqsa məscidinə uzanan əllərin qarşısında dururuq”.
R.T.Ərdoğan İsraili terror dövləti adlandırıb və beynəlxalq ictimaiyyəti Qüdsdə baş verənlərlə bağlı təcili addımlar atmağa çağırıb: “Beynəlxalq ictimaiyyətin bu məsələyə biganə qalmasına təəssüflənirik. Susanlar, İsrailin tökdüyü qanı və ya zülmü açıq şəkildə dəstəkləyələr bir gün onların növbəsinin gələcəyini bilməlidirlər. İsrailin Fələstinə, xüsusən də Qüdsə təcavüzünü dərhal dayandırmasaq, sabah hamı bu qəddarlığın hədəfində olacaq. Bütün dünya məhəl qoymasa da, biz İsrailin zülmünə göz yummayacağıq”.
Şərhlər
Fələstin bizim qanayan yaramızdır! Yaramıza məlhəm isə terrorçuların məhv edilməsidir.
Təşəkkürlər Türkiyə! Təşəkkürlər cənab Ərdoğan! Fələstindəki zülmü dərk etmək lazımdır!
Hörmətli Ərdoğan Mahmud Abbas ermənidir axı,ermənini müdafiyə etdi