Rusiyanın Qarabağdakı sülhməramlı kontingentinin komandanı Rüstəm Muradov Bakıya mayın 24-də baş tutan işgüzar səfərindən ermənilər üçün xoşagəlməz xəbərlərlə qayıdıb.

“AzPolitika.info” xəbər verir ki, Ermənistanın “Hraparak” qəzetinin yazdığına görə, Muradov ciddi səylərinə baxmayaraq, Azərbaycanı sərhəd demarkasiyası tələbindən imtina etməyə və qoşunlarını Qara Göl ərazisindən geri çəkməyə razı sala bilməyib.

“Ona Paşinyanla bir razılaşmanın olduğunu - seçkilərdən əvvəl sərhəd delimitasiyası ilə bağlı işlərin hansı əsasda və hansı xəritədə aparılacağını müəyyənləşdirəcək 3 sənədin imzalanması barədə razılığın olduğunu söyləyiblər. Azərbaycan ermənilər üçün xoş olmayacaq xəritəyə üstünlük verir və Paşinyan razı deyilsə, hərbi güc tətbiq etməklə seçkilərin keçirilməsinə mane olacaqları ilə hədələyirlər. Muradova deyiblər ki, onlar vəd veriblər, indi isə yerinə yetirməlidilər”, - qəzet yazır.

“AzPolitika”