"Yelo Bank" tələbələr üçün yay təcrübə proqramını elan edir

"Yelo Bank"dan tələbələr üçün “Summer Challenge 2021” təcrübə proqramı

"Yelo Bank" bacarıqlı və parlaq peşakarlara üstünlük verdiyi kimi, istedadlı, amma təcrübəsi olmayan gəncləri də düşünərək onlar üçün peşəkar inkişaf imkanları yaratmağa çalışır. Bu məqsədlə, Yelo karyerasını bank sahəsində qurmaq istəyən 3-cü və 4-cü kurs tələbələri üçün yay təcrübə proqramını elan edir.

Tələbələr işgüzar mühitə düşərək yeni biliklər və bacarıqlar əldə etməklə yanaşı, təcrübə proqramını uğurla başa vurduqdan sonra iş imkanı da əldə edə biləcəklər. İş həyatına bank sahəsində başlamaq və aşağıdakı istiqamətlər üzrə təcrübə toplamaq istəyən gənclər müraciət edə bilər:

Maliyyə

İnsan kapitalı

Marketinq (reklam, dizayn)

Müştəri xidməti

Əməliyyat/istehlak

Biznes (mikro kreditlər)

Keyfiyyətə nəzarət

Kreditlərin bərpası

İT, proqramlaşdırma

Biznes analitika

Qeyd edək ki, ilkin seçimlər zamanı müraciət etmiş namizədlərin CV–lərində özlərini təqdim etmə, CV-nin düzgün qurulması, oxuduqları istiqamət, dil bilikləri və özünüinkişaf, keçdiyi təlimlər, öyrəndikləri kompüter proqramları və s. kimi detallara önəm veriləcək.

Müraciət etmək istəyən tələbələr 20 iyun tarixinədək məktubun başlığında “Summer Challenge 2021” və təcrübə keçmək istədiyi sahəni qeyd edərək CV-lərini [email protected] elektron ünvanına göndərə bilər. Yerlər məhduddur, bu şansdan yararlanmağa tələsin. Proqrama qoşularaq karyera imkanlarından faydalana və Yelo ailəsinin üzvü ola bilərsiniz.
Əlavə sualınız var? O zaman 981 nömrəsinə zəng edin və ya Facebookvə Instagramhesablarımıza yazın, məmnuniyyətlə cavablandıraq!

"Yelo Bank" - Parlaq Bankçılıq.

İlkin skrininqdən keçmiş namizədlər banka müsahibələrə dəvət ediləcək və müsahibələr müvəffəqiyyətli olduğu halda təcrübə proqramına dəvət ediləcəklər.