BÖLGƏ ÖLKƏLƏRİ NİYƏ TÜRKİYƏNİ SEÇİR? - "Rusiya bu ölkələri vassala çevirmək istəyir, ona görə də..."

Türkiyə Azərbaycanla yanaşı Mərkəzi Asiya ölkələri ilə də hərbi əməkdaşlığı genişləndirir. “Şuşa bəyannaməsi” Mərkəzi Asiya ölkələrinin diqqətini cəlb edib. Qazaxıstan və Özbəkistan Türkiyə ilə birgə hərbi təlimlərə və birgə hərbi texnika istehsalına üstünlük veriblər. Ankara Qırğızıstan, Türkmənistan, hətta Tacikistanı da unutmayıb.

Türkiyənin Orta Asiya üzrə xarici siyasət prioritetlərini şərh edən politoloq Elxan Şahinoğlu Müdafiə naziri Hulusi Akarın bir neçə gün əvvəl Qırğızıstana və Tacikistana səfər etdiiyini xatırladıb.

"Məlumdur ki, Qırğızıstanla Tacisiktan arasındakı münasibətlərdə sərhəd gərginliyi var, son insidentdə hər iki tərəfdən itkilər olmuşdu. Ona görə də Hulusi Akarın Qırğızıstandan sonra Tacikistana səfəri doğru strategiya idi. Əks halda, yəni Hulusi Akar Qırzğıstana gedib Tacikistana getməsəydi, Düşənbə bunu Ankaranın tərəflərdən birini dəstəkləməsi kimi qiymətləndirə bilərdi"- deyə, politoloq vurğulayıb.

E. Şahinoğlu Qırğızıstanın yeni prezidenti Sadır Japarovun ötən ay Türkiyəyə səfər edərək həmkarı Rəcəb Tayyib Ərdoğanla görüşdüyünə diqqət çəkir. 

Onun sözlərinə görə, Qırğızıstanın Türkiyənin hərbi və maliyyə dəstəyinə ehtiyacı var: "Türkiyə hər ikisini təmin edəcək. Bunun əvəzində Ankara Qırğızıstandakı Fətullah Gülən tərəfdarlarının Türkiyəyə iadə edilməsini istəyir. Sadır Japarov ölkəsində Gülən tərəfdarları ilə mübarizə aparacağını vəd edib.

Bundan sonra Hulusi Akar Bişkekə gedərək qırğız həmkarıyla geniş fikir mübadiləsi apardı. Akar Tacikistanda olarkən bu ölkə ilə də hərbi əməkdaşlığı genşləndirməyə hazır olduğunu bildirib. Qırğızıstan kimi Tacikistanın da Türkiyənin hərbi dəstəyinə ehtiyacı var. 

Bu ölkələri Əfqanıstandakı xaosa qarşı birgə mübarizə də birləşdirir. Mərkəzi Asiya ölkələri Taliban hərəkatının Əfqanıstanda yeni-yeni məntəqələr ələ keçirməsindən narahatdırlar. Taliban Mərkəzi Asiya ölkələrinin sərhədlərinə yaxınlaşıb. Türkiyə hərbçiləri ABŞ və digər NATO ölkələrindən fərqli olaraq Əfqanıstandan çıxmayacaq, Kabil hava limanını qoruyacaq. Bu mənada Türkiyənin Əfqanıstanda oynadığı rol Mərkəzi Asiya ölkələrinin də maraqlarına cavab verir".

Bu arada, Türkmənistan Türkdilli Dövlətlərin Əməkdaşlıq Şurasına qayıdacağını bəyan edib. Politoloq hesab edir ki, bu da türk birliyinin və türkdilli dövlətlər arasında inteqrasiyanın xeyrinədir.

"Rusiyanın bəzi ekspertləri ondan narazıdırlar ki, Kreml Azərbaycanda və Mərkəzi Asiyada boşluq yaradıb və bundan Türkiyə öz məqsədləri üçün məharətlə istifadə edir. Bu boşluq deyil, hadisələrin doğru istiqamətdə inkişafıdır. Kreml buna qarşı nə edə bilər ki? Azərbaycan və Mərkəzi Asiya ölkələri dili, kökü və dini bir Türkiyə ilə sıx əlaqələr qurmaq, təhlükələrə qarşı birgə mübarizə aparmaq istəyirlər. Rusiyanın yeganə dərdi isə bu ölkələri özündən asılı vəziyyətə salaraq tədricən vassala çevirməkdir. Özünə hörmət edən heç bir dövlət vassal olmaq istəmir, ona görə də bölgə ölkələri Rusiyanı deyil, Türkiyəni seçirlər"- deyə, E. Şahinoğlu vurğulayıb.

Elçin Rüstəmli

"AzPolitika.info"

Qeyd: Məqalə Azərbaycan Respublikası Medianın İnkişafı Agentliyinin maliyyə dəstəyi ilə və müsabiqə şərtlərinə uyğun olaraq "İctimai və dövlət maraqlarının müdafiəsi" mövzusunda hazırlanmışdır.

635x100

Şərhlər

Samir 2021-07-04 09:55:21

Turanın ayaq səsləri bütüm daxili və xarici düşmənləri qorxuyas salıb. Fars və rus köpəkləri nə desələr də, nə etsələr də xeyri yoxdur. Azərbaycan- Türkiyə qardaşlığı çox gecmədən bizi birgə dövlətə çevirəcək. Cənab Prezidentimiz çox böyük işlər görür. Şuşa Bəyyanəməsi bunun mühüm əlamətidir. Allah türk dünyasının iki liderini - Prezidetimizi və Ərdoğanı qorusun!

Vətəndaş 2021-07-04 00:13:02

bizim məmurların nədənsə bəzisi demir mən Türk oğlu Türkəm.....

Zahir 2021-07-03 22:19:14

Çox doğru fikirdir. Konfederasiya yaratmalıyıq. Cənubi Azərbaycanda gec-tez azad olaccaq. Böyük Turanın yaranmasına az qalıb. İçimizdəki rusun və farsın itlərinə meydan vermək olmaz..... uşaqları türkün adın eşidəndə elə bil ... .... edirsən...Amma hamısı türkün yüksəlişi qarşısında əyiləcəklər...

Məzahir Türk oğlu 2021-07-03 17:11:02

Türkiyə ilə birləşməliyik . Başqa yol yoxdur. İranın, rusun bəzi köpəkləri bizi yolumuzdan döndərənməz, Hədəf Turandır!

Son yazılar