POLİS ARVADINA 15 DƏFƏ ATƏŞ AÇIB... - Yeni TƏFƏRRÜAT + VİDEO
Bakıda polisin həyat yoldaşını qətlə yetirməsinin daha bir təfərrüatı məlum olub. Daxili İşlər Nazirliyindən “Xəzər Xəbər”ə verilən məlumata görə, hadisəni törədən İsmayıl Məmmədov Nizami Rayon Polis İdarəsinin Post Patrul Xidmətinin əməkdaşı olub.
İsmayıl Məmmədov xidməti avtomobillə dərhal şöbəyə gəlib və həyat yoldaşının təhqiqatçının otağında olduğunu görüb.
Məlumata görə, İsmayıl Məmmədov 26 yaşlı Xanım Məmmədovanı iki azyaşlı uşağının gözü qarşısında xidməti silahı ilə 15 dəfə atəş açaraq güllələyib. Qadın hadisə yerində keçinib.
Qeyd edək ki, dünən İ.Məmmədovun üzərindəki tabel silahı ilə arvadını altı dəfə atəş açaraq qətlə yetirdiyi deyilirdi.
Faktla bağlı Baş Prokurorluğun İstintaq İdarəsində Cinayət Məcəlləsinin “xüsusi amansızlıqla qəsdən adam öldürmə” maddəsi ilə cinayət işi başlanıb.
İsmayıl Məmmədov şübhəli şəxs qismində istintaqa cəlb edilib.
Şərhlər
Bu boyuk faciədir Cinayətkar agır cəza almalıdır Amma bir məsələ yanlışdsır tapançada 9 güllə olur 15 dəfə necə oldu
Gunah bir daha.. bir daha qadindadir ve onu mudafiye etmeyen qohumlardadir.. Niye psixopatla yashayirsan? Niye boshanmirsan? Niye ona iki ushaq dogursan?
ABŞ böyük dövlətdir.Azərbaycan kimi cırtdan dövlətdə bu qədər polis olması anoloqu olmayan bir vəziyyətdir.Əhalinin sayına görə normanı bir-neçə dəfə keçən polis işçilərinin sayını azaltmaqla,həm polisi sağlaşdırmaq,həm də dövlət büdcəsinə cərimələrdən çox gəlir əlavə etmək olar.
Allah cəmiyyətimizi islah eləsin!
qadına əl qaldırmaq kişi işi deyil,o ki silah ola
Yaxşıda onda ABŞ polisi haqda nə deyə bilərsiz? Bizdə onlara baxmış çox yaxşıdı
Bu polisin hərəkəti göstərir ki,pulunu verib polisə girənlər arasında qatı cinayətlər törətməyə meyilli xeyli polis işçiləri var.Azərbaycan polisi asayişi qorumaqdan çox,asayişi pozan bir sistemə çevrilib.Nəzarətsiz və cəzasız qalan polis işçilərinin mənəvi tərbiyəyə cəlb olunması vacibdir.