Şuşa yaxınlığında əl qumbarası ilə təxribat törədərək üç azərbaycanlı hərbçinin yaralanmasına səbəb olan 1975-ci il təvəllüdlü terrorçu Norayr Mirzoyan Ermənistana təhvil veriləcək.
Bu barədə erməni mediasının məlumatında deyilir. Bildirilir ki, Mirzoyan hazırda Rusiya sülhməramlı kontingentinin mərkəzi qərargahındadır və bir neçə saat sonra o, qarşı tərəfə təhvil veriləcək.
Xatırladaq ki, Baş Prokurorluq və Daxili İşlər Nazirliyi Şuşa şəhəri yaxınlığında erməni terrorçunun Azərbaycan və Rusiya sülhməramlılarının olduğu posta qumbara atması ilə bağlı birgə açıqlama yayıb. Açıqlamada deyilir ki, Norayr Mirozyana qarşı Cinayət Məcəlləsinin 29, 120.2.1 (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd), 29, 120.2.3, (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını öldürməyə cəhd), 29, 120.2.4 ( xüsusi amansızlıqla və ya ümumi təhlükəli üsulla adam öldürməyə cəhd), 214.2.3 (terrorçuluq-odlu silahdan və silah qismində istifadə olunan predmetlərdən istifadə etməklə törədildikdə), 228.3 (qanunsuz olaraq odlu silah, partlayıcı maddə əldə etmə, başqasına vermə, satma, saxlama, daşıma və gəzdirmə mütəşəkkil dəstə tərəfindən törədildikdə) və digər maddələri ilə cinayət işi başladılıb.
Şərhlər
Absurd açıqlama. Sülhməramlıların özünün yerləşdiyi ərazi Azərbaycana məsxusdur. Bir buket cinayət işi başlanır, bu erməni küçüyü Ermənistana təhvil verilir. Əslində, bunlar sudan sakit otdan aşağı olmalıdırlar. Əksinə bunlar bizə meydan oxuyurlar. Lazım gələrsə, Sülhməramlılıara da onların yeri göstərilməlidir. Heç uşaq bağçasında da belə oyun oynamırlar. Düşmənlə düşmən kimi davranmalıdır.
o terrorçu ermənistana təhvil verilsə deməli sülhməramlılar terrorçuları himayə edən təşkilatdır. Onlara burda yer olmamalıdır
Deməli erməni terrorçusu qumbara atır, hərbçilərimizi yaralayır və s. tutulur və ermənistana təhvil verilir, "rus sülhməramlısı" da onu başa salır ki, gələn dəfə diqqətli ol, elə elə ki, ələ keçmə...????????????