"2 MİLYONU BANKDAN GÖTÜRÜB ONA VERDİM..." - Tağı Əhmədov faizə verdiyi milyonlardan DANIŞDI

“Bakı Metropoliteni”nin keçmiş rəisi Tağı Əhmədov yaxın dostu, professor Soltan Əliyev vasitəsilə Səadət Xəlilov, Qulu Muxtarov və Sahil Abuşova ümumilikdə 2 milyon manata yaxın pulu sələmə verməsindən danışıb. O, Qaynarinfo.az-a müsahibəsində özü haqda yayılan bu xəbərlərə münasibət bildirib.

- Tağı müəllim, hazırda məlum iş üzrə məhkəmə gedir. Saxlanılan Səadət Xəlilov iddia edir ki, siz onu YAP-ın Yasamal təşkilatının binasında döymüsünüz. Belə bir hadisə baş verib?

- Heç kəsi döyməmişəm. Döysəm də, düz etmişəm. Amma düzünü bilmək istəyirsinizsə, döyməmişəm. Özü də mənim onunla nə işim var? Heç onu tanımıram və bilmirəm də kimdir.

- Tanımırdınızsa, bəs necə oldu ki, onlara 2 milyon manat pul verdiniz?

- Vaxtilə bir culfalı dostum (indi olmasın) gəldi, dedi ki, iki milyon manat pul lazımdır. Bəs verəcəm və ayda da bu qədər... Mən də 2 milyonu bankdan çıxardım. Bu pulun müqabilində də ayda 30 min manat pul alırdım. Bu da dedi, yox e, hər ay pulunu verəcəyəm. Mən də pulu o vaxt 18 faizlə vermişdim. Bu da mənə o qədər yalvardı ki, Tağı müəllim, iki mini də mənə qalsın və 28 mini sən götür. Yazığım gəldi və faizdən gələn 30 mindən 2 mini ona verməyə razılaşdım. Bu culfalı da AMEA Riyaziyyat və Mexanika İnstitutunun direktor müavini, professor Soltan Əliyevdir. 2 milyonu bankdan götürüb, ona verdim. Bir ay faizi gətirib verdi. İkinci ay gəlib dedi ki, pulu vermirlər.

- Niyə vermirdilər?

- Dedilər ki, pul yoxdur. Pul gedib Qazaxıstana. Orada da batıb. Həmin o, oğ...şı Soltanla birlikdə yanıma çağırdım. Dedim nədi, nə məsələdi? Cavab verdi ki, pulu qaytarmaq heç cür alınmır. Dedim, alınmırsa, qardaş, sən məni aldada bilmərsən axı! Pulu qaytar. İndi Soltanı mənim pulumla aldadanların hər üçü məhkəmədədi. Hər üçünə 8-10 il həbs verəcəklər. Nə qədər verirlər, qoy versinlər. Bu dəqiqə mən bu məsələ ilə heç məşğul da olmuram.

- Sizin bu məsələ ilə bağlı istintaqa çağırılmanızla bağlı məlumat var. Doğrudurmu?

- İstintaqa məni nəyə çağırmalıdırlar? İstintaqa Soltan gedir. Mən niyə gedirəm ki? Dələduzluqda ittiham olunan Səadət Xəlilov özü boynuna alır ki, iki milyonu bu kişi bizə verib. Biz də bu pulu ona qaytarmalıyıq. Bu, ilkin istintaqda danışılıb. Hər şey aydındır. Mən heç vaxt istintaqa çağırılmamışam və heç buna ehtiyac da yoxdur. Mən pulu professor Soltan Əliyevə vermişəm. Səadət Xəlilov da pulu almasını təsdiqləyir. O da deyir ki, pulu Qulu Muxtarov və Sahil Abuşova verib. Filan qədərini Quluya, filan qədərini də Sahilə. Mən heç vaxt istintaqa getməmişəm və bundan sonra da getmək fikrim yoxdur. Mən pulumu professor Soltan Əliyevdən tələb edirəm. Onlarla nə işim var ki?

- Döyülmə hadisəsi baş veribmi?

- Mənlik burda elə bir şey yoxdur. Mən onlara deyil, Soltan Əliyevə inanıb pulu vermişəm. İndi Soltan Əliyev pulu qaytarmalıdır mənə, mən nə deyim. Başa düşürəm ki, Soltana da bunlar atıb.

- Bəs onlar bu pulu hara xərcləyib?

- Bunun qardaşı oğlu var, biznesmendi, adı Elçindir. Aparıb pulu ona veriblər. Bunun arvadı da şirkətin təsisçisi, qardaşı oğlu da işçidir. Oğlumla da bir-iki dəfə danışıblar.

- Oğlunuzla danışıqda nə deyiblər?

- Oğluma deyiblər ki, saxlanılan şəxslər bağışlansın. Mənə olan borcun müəyyən qədərini ödəsinlər. Amma oğlum deyib, belə şey ola bilməz. Bildirib ki, gətirib pulun 1 milyonunu qaytarsınlar. 1 milyonun da müəyyən vaxta qədər qaytarılması üçün sənəd imzalayaq. Belə olduğu halda oğlum onlara güzəşt olunacağını bildirib.

- Sizin necə, bir böyük kimi onları bağışlamaq fikriniz varmı?

- Yox. Yarısını gətirib versinlər, yarısına da müqavilə bağlasınlar. Belə olan halda onları bağışlayaram. Amma hazırda məhkəmə 3 milyon 180 min borc kəsib.

- Məhkəməyə gedəcəksinizmi?

- Xeyir. Yox, yox. Mən ora gedə bilmərəm. Buna səhhətim də heç cür imkan vermir. 

P.S. Adam görün nə qədər harınlayıb ki, arxayın şəkildə 2 milyonu faizə verməsindən danışır. Bu qədər pulu  necə əldə etdiyini isə açıqlamağa belə ehtiyac duymur. Sadəcə, rəzalətdir!

635x100

Şərhlər

Shahinə cavab 2022-02-17 17:47:16

Rəhmətlik Əbülfəz Elçibəyin öz kabinetində pendir-çörək yeməyinə HAMIMIZ rişxənd edib gülürdük. İndi niyə narazı qalırsan?

esger 2022-02-08 10:13:11

Bu milyonlar metroların içində vaxtiilə qurulan mağaza sahiblərinin verdiyi rüşvətin və büdcədən ogurlanan vəsaitin hesabına yıqılıb Ona görə bun pullar öz sahiblərinə qayıtmalıdır Əhmədov isə bu miliyonların onun zəhmətin nəticəsi olmasını subut etsin

Sail. 2022-02-08 02:00:53

Adam bu diyarda yaşamağa .........

Dilqəm 2022-02-07 23:32:10

YAP-ın Tağı-sı belə,Ziya-sı belə,Eldarı,Əbülfəzi. Səlimi,icra başçıları və sairləri belə.Belə partiya hansı hüquqla ləğv edilmir və ya saflaşdırılmır? Bu kiŞ biabırçılıqdır!

VƏTƏNDAŞ 2022-02-07 22:40:59

TAĞI ÖZÜ DEMİŞ BURCUDUR. OĞURLADIĞI PULLARI BANKDAN GÖÜRMÜŞƏM DEYİB FIRLADIR. 2 MİLYON ÜZƏ ÇIXIBSA BƏILƏ DƏ 200 MİLYONU VAR

Nəğiynən Təği 2022-02-07 22:18:17

"Heç kəsi döyməmişəm.Döysəm də, düz etmişəm."

Usta 2022-02-07 20:41:34

Bele ihsanlar,adam demek qetiyyen olmaz,bu olkeni ciceklenmeye hec vaxt qoymayacaqlar.Allah bunlarin cezasini versin.verir de.

Shahin 2022-02-07 20:28:50

Tagi kishi pulunu alacaq tam faizi ile, talan olunan banklarin emanetcilerinin bele bir dayisi olsaydi millet zelil olub, pullari quldurlarin elinde qalmazdir. Sdandart bankin pulunu 153 nefer talanci, olkenin gul balalari yeyib ustundende piyve araq icib. Dagil a dunya bu zulumu nece qebul edirsen. Tagi kimi kishi lazimdir ki, bu talancilari ceksin mehkemeye. Derman puluna imkani olmayan kreditorlar qaliblar kucelerde, sozlerini eshiden bir qurum yoxdur.

Son yazılar