Rusiyada işləyən yüz min Özbəkistan vətəndaşı vətənə qayıtmaq niyyətindədir.
Bu barədə martın 31-də Vaza teleqram-kanalı Özbəkistan hakimiyyətinə istinadla xəbər verir.
Resursun məlumatına görə, Rusiyada işləyən məhz bu qədər özbəkistanlı, tezliklə evlərinə qayıtmalıdır. Bundan əvvəl Özbəkistan məşğulluq və əmək münasibətləri nazirinin birinci müavini Erkin Muxitdinov bəyan etmişdi ki, əmək miqrantlarının bir hissəsi aprel-mayda Rusiyadan Özbəkistana qayıdacaq - rublun məzənnəsinin düşməsi səbəbilə. Onlar üçün vətəndə tikinti sektorunda iş yerlərinin yaradılması planlaşdırılır.
Bu arada, rəsmi KİV-də hələlik bunun təsdiqi yoxdur. Bundan əlavə, bir qədər əvvəl «Sputnik Özbəkistan» İA miqrasiya üzrə ekspert Asılbek Eqemberdiyevə istinadla xəbər vermişdi ki, Qərbin sanksiyalarına baxmayaraq, özbək miqrantlar Rusiyadan getməyəcəklər.
AzPolitika.info
Şərhlər