“Azərbaycan millisi ilə bağlı problem çox az vaxtın olmasıdır. Malta və Latviya ilə oynadıq, hər ikisinə 0:1 hesabı ilə uduzduq və yeni sistemi sınadıq”.
Apasport.az saytının “tuttomercatoweb.com”a istinadən məlumatına görə, bunu Azərbaycan millisinin baş məşqçisi Canni de Byazi deyib.
Ölkəsinin mətbuatına müsahibə verən italiyalı mütəxəssis mərkəz hücumçusu ilə bağlı problemlərinin olması ilə bağlı sualı belə cavablandırıb: “Komandada çatışmazlıqlar var. Bunun fonunda nə qurduğumuzu dərk etməkdə çətinlik çəkirik. Problemin üzərində işləyirəm. Komanda ilə bağlı digər problem xarakterdir. Həmişə uduzursansa, daha az boyun əyməli, daha çox qürur və qətiyyət nümayiş etdirməlisən. Hələlik buna təsir edə və ruhumu qorxaq komandaya verə bilmirəm”.
Çalışdırıcı iyunda start götürəcək Millətlər Liqasında sıx qrafiklə oynayacaqlarını da sözlərinə əlavə edib: “Yığmalarla bağlı problemlər mövcuddur. 12 gün ərzində Millətlər Liqasında 4 oyun keçirəcəyik. Bunu edəcək futbolçularım belə yoxdur! Bəzi şeylər bizi təəccübləndirir”.
Qeyd edək ki, Azərbaycan yığması Millətlər Liqasında C Liqasının III qrupunda Slovakiya, Belarus və Qazaxıstanla mübarizə aparacaq.
Şərhlər
Belə yarıtmaz, tərbiyəsiz məşqçini dərhal Azərbaycandan qovmaq lazımdır. Qorxaq və xaraktersiz sənin özünsən ki, belə komandan var. Rədd edin bu tərbiyəsizi.
qorxağa qorxaq deyərlər da, bəlkə qəhrəman deyək?
Sən özün məşqçi deyilsən. Əsl istedadlardan ibarət komanda yığmağa gücün çatmır. Boş yerə milyonlarımızı yeyirsən!
Oyuncularını "QORXAQ" adlandıran bu adamı niyə məşqçi kimi saxlayıb ayına milyonlar verilir?
duz deyirde.duz soz ele duzdur