Milli Məclisin deputatlarının maaşı artırılır. "Report"un xəbərinə görə, bununla bağlı "Azərbaycan Respublikası Milli Məclisinin deputatının statusu haqqında" qanuna dəyişiklik edilir.
Hazırki qanunvericiliyə əsasən, Milli Məclisin sədri 2475 manat miqdarında aylıq vəzifə maaşı alırdı.
Milli Məclis sədrinin birinci müavini Milli Məclis sədrinin aylıq vəzifə maaşının 90 faizi, Milli Məclis sədrinin müavini - 85 faizi, Milli Məclisin komitə və komissiya sədri - 80 faizi, Milli Məclisin komissiya sədrinin müavini - 75 faizi, Milli Məclisin deputatı isə Milli Məclis sədrinin aylıq vəzifə maaşının 70 faizi miqdarında aylıq vəzifə maaşı alırdı.
Milli Məclisin Sədri, onun birinci müavini və müavinləri, Milli Məclisin komitə və komissiya sədrləri və onların müavinləri, Milli Məclisin deputatları hər ay vəzifə maaşlarının bir misli məbləğində vəzifə maaşına əlavə alırlar.
Dəyişikliklə isə Milli Məclisin sədri 3550 manat miqdarında aylıq vəzifə maaşı alacaq
Milli Məclis sədrinin birinci müavini Milli Məclis sədrinin aylıq vəzifə maaşının 90 faizi, Milli Məclis sədrinin müavini - 85 faizi, Milli Məclisin komitə və komissiya sədri - 80 faizi, Milli Məclisin komissiya sədrinin müavini - 75 faizi, Milli Məclisin deputatı isə Milli Məclis sədrinin aylıq vəzifə maaşının 70 faizi miqdarında aylıq vəzifə maaşı alacaq.
Milli Məclisin Sədri, onun birinci müavini və müavinləri, Milli Məclisin komitə və komissiya sədrləri və onların müavinləri, Milli Məclisin deputatları hər ay vəzifə maaşlarının iki misli məbləğində vəzifə maaşına əlavə alacaqlar.
Şərhlər
Belə çıxır ki,MM-in sədri 10650 manat maaş alacaq? (3550x2+3550=10650)
Cox cox sevindik ))))
Nə gözəl. Haqq yerini tapdı
Deməli 10650 AZN.Neft qalxdıqca,bunların maaşı da qalxır.Sorusmaq ayıb olmasın bundan xalqa nə?Zəqqum yesinlər,xalqı niyə qıcıqlandırırsinız?
Neftin qiyməti qalxanda belə əcaibliklər olur,fikir verməyin.AZAL bunların sözünə baxmadı deyə çarəni maaşlarını qaldırmaqda gördülər,ona görə də yığışıb sözü bir yerə qoyub maaşlarını qaldırdılar.Kompensasiya elədilər yəni qiymət artımını özləri üçün.Amma mən bunlara elə bir tək biletlərdə endirim eləyə bilmədikləri üçün və Xəzərin hasarlarını 30 ildə sökə bilmədikləri üçün bir qəpik də verməzdim.Nə iş görürsünüz ki,maaşlarınızı qaldırırsınız?Bəs millətin maaşlarını kimlər qaldırmalıdır?Siz ora yalnız özünüzü hərtərəfli təmin etmək üçün toplanırsınız?Özünüzdən başqa dərdiniz-səriniz yoxdurmu sizin?
Bəs millət qara camaat ?
Halal olsun dövlətimizə görün xalqını necə sevir
Millet çox sevindi