Son 6 ay ərzində “Sınıq körpü” və “Laqodexi” gömrük-keçid məntəqələri vasitəsilə Azərbaycandan Gürcüstana 6 443 970 litr yanacağın qanunsuz keçirilməsinin qarşısı alınıb.
APA-nın yerli bürosu xəbər verir ki, məlumatı Gürcüstan Maliyyə Nazirliyinin Gəlirlər Xidməti yayıb. Bildirilib ki, əsasən yük maşını sürücüləri kustar üsullarla hazırlanmış yanacaq çənlərində Gürcüstana qanunsuz yanacaq keçirilməsinə cəhd edirlər. Nazirlik yük maşını sürücülərini qanunsuz əməllərdən çəkinməyə çağırıb.
Qeyd olunub ki, Gürcüstanın gömrük xidməti sərhəd-keçid məntəqələrindən ölkəyə qanunsuz yanacaq idxalının qarşısının alınması ilə bağlı ciddi nəzarət həyata keçirir.
Şərhlər
Siz nə danışırsınız, 6 443 970 lıtr yanacaq maşını 30 000 litrdən edir 215 tanker, yəni benzovoz. (215 sürücü). Belə bir şey ola bilərmi? Bəlkə də Gürcüstanın 4-5 aylıi ehtiyacı...