"Əgər Azərbaycan və Ermənistan liderlərinin Brüssel görüşü ölkələr arasında bir-birinin ərazi bütövlüyünün tanınması şərti ilə sülh müqaviləsinin imzalanmasını yaxınlaşdırmasa, o zaman Azərbaycan son avqust ssenarisini təkrarlamalı olacaq".
"AzPolitika.info" xəbər verir ki, bunu Vaşinqtonda yaşayan azərbaycanlı siyasi təhlilçi Ramiz Yunus bildirib.
Ekspert xatırladır ki, o zaman rəsmi İrəvan rəsmi Bakının Laçın və ona bitişik kəndlərin vaxtından əvvəl azad edilməsi tələbləri ilə razılaşmağa məcbur oldu.
"Ermənistanda bunu nə qədər tez başa düşsələr, regionda sülh bir o qədər tez bərqərar olacaq, ona görə də dünyada mövcud siyasi vəziyyətdə Rusiyaya, Avropa İttifaqına və ya ABŞ-a müraciət etmək cəhdləri uğursuzluğa məhkumdur. Şərqdə necə deyərlər: “Ağıllı adama sadə bir işarə kifayətdir"- deyə, təhlilçi vurğulayıb.
"AzPolitika.info"
Şərhlər