“Vaz” adı ilə tanınan dairənin düz mərkəzində dayanmışıq. Ləğv edilsə də, izləri qalıb. Burada dayanmağımızın səbəbi qaynar xəttimizə ünvanlanan vətəndaş şikayətidir. Məsələ burasındadır ki, Bakı-Sumqayıt yolunun üzərində yerləşən Abşeron Gənclər şəhərciyində yaşayan sakinlər və ümumiyyətlə bu yolla hərəkət edən bütün sürücülər əvvəllər bax bu dairədən istifadə etməklə çox rahat formada üzü mərkəzə doğru irəliləyirdilər. Hazırda isə dairə ləğv edildiyindən onların işi bir qədər çətinləşib. Belə ki, üzü şəhərə doğru qayıtmaq üçün onlar Saray yolu ilə 3-4 kilometr də qabağa gedib geri dönmək məcburiyyətindədirlər”.
Sözügedən “VAZ” dairəsi təxminən bir aya yaxındır ki, ləğv edilib. Bu da 20 min nəfərə yaxın sakinin yaşadığı Masazır və Abşeron Gənclər şəhərciyinin, eləcə də ətraf ərazidə yaşayan sakinlərin etirazına səbəb olub. Özlərinin dili ilə desək işə gecikən kim, övladını məktəbə apararkən 1-ci dərsə çatdırmayan kim.
Bundan başqa, bu yolla hərəkət edən 199 saylı yeganə müntəzəm marşrut xəttinin fəaliyyəti də pozulub. Sözügedən yolda edilən dəyişikliyə görə, sürücülər hər gün 7 kilometr əlavə yol qət edirlər. Bu da təbii ki, onlar üçün həm əlavə vaxt itkisidir, həm də artıq yanacaq sərfiyyatı. Bütün bunların fonunda hələ işləri Təcili və Təxirəsalınmaz Tibbi yardıma düşərsə, bax əsl problem bundan sonra başlayır.
Maraqlıdır ki, bu yolda nə yol hərəkəti qaydalarını tənzimləyən lövhələr var, nə də işıqfor. Məsələ ilə bağlı əvvəlcə Baş Dövlət Yol Polisi İdarəsi ilə əlaqə saxladıq. Qurumun əməkdaşı, polis baş leytenantı Toğrul Nəsirli bildirdi ki, “VAZ” dairəsi yolda yaranan uzun-uzadı tıxaclar səbəbindən ləğv edilib.
“Nəzərə almaq lazımdır ki, layihənin icrasının sonrakı mərhələsində mövcud yol şəraiti, istiqamətlər üzrə nəqliyyat axını tam təhlil olunaraq, hərəkətin daha da təkmilləşdirilməsi istiqamətində əlavə işlərin görülməsi, daha yaxın məsafədə geriyə dönmə zolağının yaradılması nəzərdə tutulub. Lakin unutmayaq ki, həmin ərazidə əvvəllər mütəmadi sıxlıq müşahidə olunurdu ki, bu da həmin yolla hərəkətdə olan sürücülərin narazılığına, əlavə vaxt itkisinə və artıq yanacaq sərfiyyatına səbəb olurdu. Hazırda sürücülər bu istiqamət üzrə əlavə olaraq 2.8 kilometr məsafə qət etməklə heç bir sıxlıq problemi yaşamadan geri dönmə edib, hərəkətlərini davam edə bilərlər ki, bununla da tıxacda qalmadan mənzil başına rahat gedə bilərlər”.
Məsələyə digər cavabdeh qurum olan Azərbaycan Avtomobil Yolları Dövlət Agentliyi ilə əlaqə saxlamaq istəyimiz isə baş tutmadı. Çünki qurumun heç bir nümayəndəsi telefonlara cavab vermədi. Bir müddət öncə saytlardan birinə açıqlama verən qurumun mətbuat katibi Anar Nəcəfli isə yalnız bunları deyib.
"Baş Dövlət Yol Polisi ilə birlikdə qeyd edilən ərazidə yeni layihə hazırlanıb. Hazırda layihənin icrası həyata keçirilir. Günün pik saatlarında həmin ərazidə tıxaclarla bağlı çoxsaylı müraciətlər daxil olurdu. Layihə də bu müraciətlər əsasında həyata keçirilir. Hazırda sürücülər bir istiqamət üzrə əlavə 2,5 kilometr məsafə qət etməklə geridönmə edib hərəkətlərinə davam edə bilərlər. Layihə hələ tam başa çatmayıb, gələcəkdə daha yaxın məsafədən yeni geridönmə hissəsinin yaradılması da nəzərdə tutulur. Bütün bunlar əlavə vaxt itkisinə səbəb olmur, əksinə tıxacların qarşısını alır". Sitatın sonu
Əvvəla burda bir şeyi dəqiqləşdirək. Hazırda sürücülər bir istiqamət üzrə əlavə 2,5 deyil, 3 kilometr məsafə qət edir. Bu da həm əlavə vaxt itkisi, həm də artıq yanacaq sərfiyyatına səbəb olur. İkincisi isə göz önündədir. Rəsmi qurumlar nə qədər sakinlərin bu yoldan rahat şəkildə istifadə etdiyini desə də, vətəndaşlar tam əksini bildirir.
Hələ biz insanların müayinə olunmaq üçün Abşeron xəstəxanasına və ya işlərini asanlaşdırmaq üçün “DOST” mərkəzinə gedərkən qarşılaşdığı çətinlikləri demirik. Dövlət vətəndaşın işini asanlaşdırmaq üçün bir bu qədər şərait yaratsa da, bu kimi qurumlar öz fəaliyyətsizlikləri ilə bu işə kölgə salmağa çalışırlar.
Görünür Azərbaycan Avtomobil Yolları Dövlət Agentliyi xalqa xidmət etmək əvəzinə bəzi şəxslərin rahatlığını daha üstün bilir. Halbuki cənab Prezident vətəndaşların rahat gediş-gəlişini təmin etmək üçün bu quruma milyonlarla pul ayırır. Amma nə fayda... Dəfələrlə sökülüb tikilən Bakı-Quba yolu, 7 ildən artıqdır ki, davam edən və hələ də rəsmi şəkildə istifadəyə verilməyən Zığ-Hövsan yolu bu qurumun fəaliyyətinin hansı şəkildə təşkil olunduğunu gözlər önünə sərir. Elə buna görə də “Görünən köyə, bələdçi lazım olmaz”mış deyirlər.
Ümid edək ki, aidiyyəti qurum bu dəfə vətəndaşların narazılığını görməzdən gəlməyəcək. Edilən səhvlər tez bir zamanda aradan qaldırılacaq. 10 metrə görə, əlavə 7 kilometr məsafə qət olunmayacaq. Gəlin sağ qulağımızı sağ əllə qaşıyaq.
Şərhlər
Burda mueyen memurlar seherden qayidanda tixaca dusmesinler deye bu yolu zibil gune qoydular
Bəli, dövlət hər zaman öz vətəndaşının yanındadır və belə də var. Əfsuslar olsun ki, dövlətin bəzi qurumları dövlət başçısının əksinə, onun ziyanına hərəkətlər edir, lazımi davranış göstərmirlər, göstərirlərsə belə buna ayı xidməti deyirlər. Belə bir aktual yazının verilməsinə baxmayaraq bir nəfər sürücü, oxucu yazıya mənfi və ya müsbət münasibət bildirməyiblər. Baş Dövlət Yol Polisi İdsarəsinin və Azərbaycan Avtomobil Yolları Dövlət Agentliyinin “təcrübəli” işçilərinin isə bu yarıtmaz səriştəsizliyi, təcrübəsi sıravi vətəndaş kimi məndə təəccüb doğurur. Birincisi, “Azpolitika” yazıda VAZın dairəsindən söhbət açır, lakin dairəyə aid olmayan şəkli oxucuya təqdim edir, daha doğrusu əvvəlki görüntünü təqdim ediblər. Vizual baxışda hər şey qaydasındadır. Görürsünüzmü, elə birinci özümüz saxtakarlığa yol veririk, necə deyərlər Əlinin adını çəkib Vəlidən misal gətiririk. İkincisi, yol hərəkətinin təhlükəsizliyinə məsuliyyət daşıyan qurum üzərinə düşən vəzifəni lazımi qaydada yerinə tetirmir. Mən də razıyam ki, saatlarla həmin ərazidə tıxac problemi var idi. İstədikləri vaxt yol polisi əməkdaşları həmin ərazidə peyda olub nəqliyyat axınının, yaranmış tıxacın qarşısını alırdılar. Gizlətməyə ehtiyac yoxdur, Daxili işlər naziri vı Prezident Administrasiyasının bəzi yüksək çinli məmurları gündəlik həmin ərazidən keçməsə idilər yəqin ki, heç bunu da etməzdilər. Fikrimcə, kimlərdən söhbət getdiyini Azpolitika çox gözəl bilir.
Gəlin mətbuat katibi Anar Nəcəflinin verdiyi məsuliyyətsiz, əsaslandırılmamış fikirlərinə diqqət yetirək: “Baş Dövlət Yol Polisi ilə birlikdə qeyd edilən ərazidə yeni layihə hazırlanıb. Hazırda layihənin icrası həyata keçirilir. Günün pik saatlarında həmin ərazidə tıxaclarla bağlı çoxsaylı müraciətlər daxil olurdu. Layihə də bu müraciətlər əsasında həyata keçirilir. Hazırda sürücülər bir istiqamət üzrə əlavə 2,5 kilometr məsafə qət etməklə geridönmə edib hərəkətlərinə davam edə bilərlər. Layihə hələ tam başa çatmayıb, gələcəkdə daha yaxın məsafədən yeni geridönmə hissəsinin yaradılması da nəzərdə tutulur. Bütün bunlar əlavə vaxt itkisinə səbəb olmur, əksinə tıxacların qarşısını alır”.Maraqlı analizdir, elə deyilmi? Ay Anar camaat çörəyi qulağının dibinə yemir. Ağıllı ol normal, əsaslandırılmış açıqlama ver, Bakı-Saray yoluynu yəqin Anarın özü də gedir. Necə deyərlər ayının min oyunu var bir armud ağacının başında.
Sual olunur: yeni layihə nəyə əsaslanıb hazırlanıb? Ümumiyyətlə belə bir layihə mövcuddurmu? Varsa, istisna hal kimi onu Azpolotokanın oxucularına təqdim etsinlər. Tam məsuliyyətimlə deyə bilərəm ki, belə layihə yoxdur.Çoxsaylı müraciətlər həqiqətən olubmu, olubsa bu tıxacın qarşısının alınması hansı yolla həyata keçirilməli idi, monitorinq aparılıbmı və s. və i.a?. Suallar çox, cavab isə yox dərəcəsindədir.Ümumiyyətlə bu Anar bəyin yol hərəkətinin təşkilindən anlayışı varmı? Gündə bu yolu gedən vətəndsaşlardan məlumatı varmı? Əgər nə vaxtsa bu cənab bu yolu gedəsi olsa belə, onun xidməti maşını var, yanacağını işlədiyi idarə verir, itirəcəyi vaxt isə o qədər də önəmli deyil.
Mən o yoldan istifadə etmirəm, lakin həmin yoldan kifayət qədər məlumatlıyam. Sürücülər üzü şəhərə doğru qayıtmaq üçün Saray yolu ilə 3-4 kilometr də qabağa gedib geri dönərkən (heç yanacaq sərfiyyatını nəzərə almıram), qarşı tərəfdən gələn nəqliyyat axını nəzərə alınıbmı? Hesab edirəm ki, əvvəldən bu yol hərəkəti düzgün təşkil olunmayıb, ona görə də belə anlaşılmazlıq əmələ gəlib və yola hərə bir dəlləklik edir.
Çıxış yolu nədədir? Çox da uzağa getməyək. Ekoloji postun yolu tam olmasa da müzakirəsi gedən yolla müəyyən oxşarlığı var. Sulutəpəyə, Şamaxıya gedərkən hər hansı bir problem yaşanmır, tıxaca rast gəlməmişəm, Sumqayıt istiqamətinə gedən yolda da hər hansı tıxac demək olar ki, olmur.
Qayıdaq öz yolumuza. Gənclik şəhərciyindən Sumqayıt istiqamətində hərəkət edərkən körpünü keçib (körpünü bir az da enləndirmək olar) Ekoloji postdakı yol qovşağına oxşarını təşkil etmək mümkündür və hesab edirəm ki, bu daha optimal, sərfiyyatsız, daha məqbul variantdır. Buna o qədər də vəsait tələb olunmayacaq, necə deyərlər canavarlar da tox olacaqlar, quzular da salamat qalacaqlar.
Bəli, dövlət hər zaman öz vətəndaşının yanındadır və belə də var. Əfsuslar olsun ki, dövlətin bəzi qurumları dövlət başçısının əksinə, onun ziyanına hərəkətlər edir, lazımi davranış göstərmirlər, göstərirlərsə belə buna ayı xidməti deyirlər. Belə bir aktual yazının verilməsinə baxmayaraq bir nəfər sürücü, oxucu yazıya mənfi və ya müsbət münasibət bildirməyiblər. Baş Dövlət Yol Polisi İdsarəsinin və Azərbaycan Avtomobil Yolları Dövlət Agentliyinin “təcrübəli” işçilərinin isə bu yarıtmaz səriştəsizliyi, təcrübəsi sıravi vətəndaş kimi məndə təəccüb doğurur. Birincisi, “Azpolitika” yazıda VAZın dairəsindən söhbət açır, lakin dairəyə aid olmayan şəkli oxucuya təqdim edir, daha doğrusu əvvəlki görüntünü təqdim ediblər. Vizual baxışda hər şey qaydasındadır. Görürsünüzmü, elə birinci özümüz saxtakarlığa yol veririk, necə deyərlər Əlinin adını çəkib Vəlidən misal gətiririk. İkincisi, yol hərəkətinin təhlükəsizliyinə məsuliyyət daşıyan qurum üzərinə düşən vəzifəni lazımi qaydada yerinə tetirmir. Mən də razıyam ki, saatlarla həmin ərazidə tıxac problemi var idi. İstədikləri vaxt yol polisi əməkdaşları həmin ərazidə peyda olub nəqliyyat axınının, yaranmış tıxacın qarşısını alırdılar. Gizlətməyə ehtiyac yoxdur, Daxili işlər naziri vı Prezident Administrasiyasının bəzi yüksək çinli məmurları gündəlik həmin ərazidən keçməsə idilər yəqin ki, heç bunu da etməzdilər. Fikrimcə, kimlərdən söhbət getdiyini Azpolitika çox gözəl bilir.
Gəlin mətbuat katibi Anar Nəcəflinin verdiyi məsuliyyətsiz, əsaslandırılmamış fikirlərinə diqqət yetirək: “Baş Dövlət Yol Polisi ilə birlikdə qeyd edilən ərazidə yeni layihə hazırlanıb. Hazırda layihənin icrası həyata keçirilir. Günün pik saatlarında həmin ərazidə tıxaclarla bağlı çoxsaylı müraciətlər daxil olurdu. Layihə də bu müraciətlər əsasında həyata keçirilir. Hazırda sürücülər bir istiqamət üzrə əlavə 2,5 kilometr məsafə qət etməklə geridönmə edib hərəkətlərinə davam edə bilərlər. Layihə hələ tam başa çatmayıb, gələcəkdə daha yaxın məsafədən yeni geridönmə hissəsinin yaradılması da nəzərdə tutulur. Bütün bunlar əlavə vaxt itkisinə səbəb olmur, əksinə tıxacların qarşısını alır”.Maraqlı analizdir, elə deyilmi? Ay Anar camaat çörəyi qulağının dibinə yemir. Ağıllı ol normal, əsaslandırılmış açıqlama ver, Bakı-Saray yoluynu yəqin Anarın özü də gedir. Necə deyərlər ayının min oyunu var bir armud ağacının başında.
Sual olunur: yeni layihə nəyə əsaslanıb hazırlanıb? Ümumiyyətlə belə bir layihə mövcuddurmu? Varsa, istisna hal kimi onu Azpolotokanın oxucularına təqdim etsinlər. Tam məsuliyyətimlə deyə bilərəm ki, belə layihə yoxdur.Çoxsaylı müraciətlər həqiqətən olubmu, olubsa bu tıxacın qarşısının alınması hansı yolla həyata keçirilməli idi, monitorinq aparılıbmı və s. və i.a?. Suallar çox, cavab isə yox dərəcəsindədir.Ümumiyyətlə bu Anar bəyin yol hərəkətinin təşkilindən anlayışı varmı? Gündə bu yolu gedən vətəndsaşlardan məlumatı varmı? Əgər nə vaxtsa bu cənab bu yolu gedəsi olsa belə, onun xidməti maşını var, yanacağını işlədiyi idarə verir, itirəcəyi vaxt isə o qədər də önəmli deyil.
Mən o yoldan istifadə etmirəm, lakin həmin yoldan kifayət qədər məlumatlıyam. Sürücülər üzü şəhərə doğru qayıtmaq üçün Saray yolu ilə 3-4 kilometr də qabağa gedib geri dönərkən (heç yanacaq sərfiyyatını nəzərə almıram), qarşı tərəfdən gələn nəqliyyat axını nəzərə alınıbmı? Hesab edirəm ki, əvvəldən bu yol hərəkəti düzgün təşkil olunmayıb, ona görə də belə anlaşılmazlıq əmələ gəlib və yola hərə bir dəlləklik edir.
Çıxış yolu nədədir? Çox da uzağa getməyək. Ekoloji postun yolu tam olmasa da müzakirəsi gedən yolla müəyyən oxşarlığı var. Sulutəpəyə, Şamaxıya gedərkən hər hansı bir problem yaşanmır, tıxaca rast gəlməmişəm, Sumqayıt istiqamətinə gedən yolda da hər hansı tıxac demək olar ki, olmur.
Qayıdaq öz yolumuza. Gənclik şəhərciyindən Sumqayıt istiqamətində hərəkət edərkən körpünü keçib (körpünü bir az da enləndirmək olar) Ekoloji postdakı yol qovşağına oxşarını təşkil etmək mümkündür və hesab edirəm ki, bu daha optimal, sərfiyyatsız, daha məqbul variantdır. Buna o qədər də vəsait tələb olunmayacaq, necə deyərlər canavarlar da tox olacaqlar, quzular da salamat qalacaqlar.