“O, Rusiyanı baş tutmamış, çökmüş dövlətlər kateqoriyasına daxil etdi”
“Müstəqillik, öz müqəddəratını təyin etmə məqsədilə bütün Rusiya ərazisi üzrə referendumlar baş verəcək… Çünki özünüz belə bir presedent yaratmısınız”
“Putin Sentyabrın 30-da Georgiyev zalında böyük auditoriya qarşısında Rusiya dövlətçiliyini rəsmən sıfırladı. Xeyli vaxtdır buna doğru gedilirdi. Ancaq indi dövlətin çöküşü rəsmən sənədləşdirildi. Bu, kənardan Ukraynanın Donetsk, Luqansk, Zaporojye və Xerson vilayətlərinin Rusiyaya birləşdirilməsi kimi görünə bilər. Lakin reallıqda Putin həmin gün Putin Rusiyasının baş tutmamış, yaxud çökmüş dövlətlər kateqoriyasına daxil olmasına dair sənədlər imzaladı”.
“AzPolitika.info” xəbər verir ki, bunu Putin hakimiyyətinə müxalif rusiyalı milyarder Mixail Xodorkovski söyləyib.
Xodorkovski deyib ki, Ukraynanın məlum ərazilərinin Rusiyaya birləşdirilməsinə dair sənədlərin imzalanması isterikanın və Putinin bu müharibəni uduzmasının göstəricisidir.
Onun fikrincə, Putin müharibə qərarı və ondan sonrakı qərarlarıyla Rusiya dövlətçiliyinin bünövrəsini laxladıb və olduqca təhlükəli presedent yaradıb: “Putin bununla da təkcə Rusiya dövlətçiliyinin bünöbvrəsini minalamayıb, həm də partlayış düyməsini basıb. İşğal olunmuş ərazilərdə işğalçıların qanunları əsasında referendum keçirilməsi tamamilə qanunsuzdur. Məsələn, olarmı ki, Almaniyanın dəstəklədiyi Kalininqrad administrasiyası bu ərazinin Almaniyaya birləşdirilməsinə dair referendum keçirsin? Yaxud, olarmı ki, Kuril adalarının Yaponiyaya birləşdirilməsi üçün Yaponiya qanunları əsasında və Yaponiya silahlı qüvvələrinin nəzarəti altında referendum keçirilsin?
30 sentyabra qədər bunu təsəvvür etmək mümkün deyildi. Lakin Putin özü Rusiyanın ərazi bütövlüyünü şübhə altına almaq üçün hər şey etdi…
İndi belə bir presedent yaranır ki, ayrı-ayrı regionlar dövlətin özünün razılığı olmadan ondan ayrılmaq barədə referendum keçirə bilərlər. Putin BMT Nizamnaməsi əsasında xalqların öz müqəddəratını təyin etməsi hüququndan danışır. Rusiya Federasiyası ərazisində nə qədər belə xalq var? Çeçenistan, Tatarıstan, Yakutiya, Buryatiya, Uzaq Şərq regionları və sair. Elə bilirsiniz ki, onlar Putinin çıxışından özləri üçün nəticələr çıxarmadılar?
Əlbəttə ki, çıxardılar. Uyğun zaman gələn kimi, o isə müharibədəki məğlubiyyətdən sonra mütləq gələcək, müstəqillik, öz müqəddəratını təyin etmə, yaxud başqa dövlətlərə birləşmək məqsədilə bütün Rusiya ərazisi üzrə referendumlar baş verəcək. Bu zaman Rusiya dövləti ilə heç kim hesablaşmayacaq.
Çünki birincisi, özünüz belə bir presedent yaratmısınız. İkincisi, zəiflikdən istifadə etmək lazımdır. Putin isə ölkəni dəhşətli dərəcədə zəiflədib. Rusiyanın tərkibinə bir neçə region daxil edilib. Hansı ki, orada müharibə gedir və Rusiya hakimiyyəti onların böyük hissəsinə və sərhədlərinə nəzarət edə bilmir. Putin nə etdiyini anlayırdımı?
Anlayırdımı ki, Ukrayna onun hədə-qorxularından qorxmayacaq. Deməli, Ukrayna Silahlı Qüvvələri həmin ərazilərdən getməyəcək və əksinə, hücumu davam etdirəcək. 30 sentyabrda Putin Donetsk vilayətinin Rusiyaya birləşdirilməsinə dair sənəd imzaladı. Oktyabrın 1-də isə həmin vilayətin Liman şəhəri Ukrayna Ordusu tərəfindən azad edildi. Belə çıxır ki, müharibə Rusiya ərazisində gedir və onun ərazisinin bir hissəsi işğal olunub? Belə çıxır ki, Ukrayna Ordusu ilə döyüşmək üçün Rusiya öz ərazilərinə zərbə endirməlidir?...
İndi artıq sərhəd də yoxdur. Priqojin cinayətkarları, quldurları, qatilləri orduya cəlb edir və onlara silah verir, onlara 6 aydan sonra amnistiya vəd edir. Artıq Rusiya dövləti ilə bu cinayətkarlar arasında sərhəd qalmayıb. Həmin birləşdirilmiş ərazilərdəki 100 minlərlə qəddarlaşmış, kasıblaşmış, əli silahlı kişilər bundan sonra dolanışıq üçün hara gedəcəklər? Putin Ukrayna ərazilərinin birləşdirilməsi komandasını verəndə bunları anlamırdı? Anlayırdısa, deməli bunun adı vətənə xəyanətdir. Əgər anlamırdısa, deməli o, kliniki axmaqdır. Daha çox düşünürəm ki, anlayırdı…
Putin gedəcək. Artıq aydındır ki, o, sakit pensiyaçı kimi, yaxud onu sevən ailəsinin əhatəsində sakit ölümlə getməyəcək. Əgər onun gedişi anında Rusiyadan nəsə qalacaqsa, bu isə hələ heç də aydın deyil, o zaman bizim bu ölkəni yenidən qurmaqdan başqa variantımız olmayacaq… Nə vaxtsa Putin və Putinizm yalnız müxalifətçilərə və narazılara təhlükə yaradırdı. İndi isə o, qonşulara, bütün dünyaya, Rusiya xalqına, eləcə də Rusiya dövlətçiliyinin gələcək mövcudluğuna təhlükə yaradır. Deməli, təkcə Putinin özünü yox, onu yaradan və onun yaratdığı hakimiyyət sistemini demontaj etmək lazımdır. Və bir də, bütün Ukrayna torpaqları Ukraynaya qayıdacaq. Buna şübhə etmək lazım deyil”.
C.Məmmədov
“AzPolitika.info”
Şərhlər
Axır ki, bu Rusiya adında bədnam dövlət yox olmalldır!
Pyotr gəmiqayırma, Yekəterina texnoloji incəsənət axtarışında Rus Sənayesini və dünyəvi Ermitajı yaratmaqla heç tərəfə Hücum və heç kimə Zor düşüncəsində belə olmayıblar. Dünya tarixinin ən güclü Cəmiyyəti Rusiyanın varisi, V.İ.Leninin SSRİsi və İ.V.Stalinin Hərbi Polad müdafiəsi olub! Stalin dövrünün ehtiyatı bu günə də qalıb!
Putin gedəcək.Ancaq Azərbaycanda hələ də putinçi Rusiya yetirmələri vəzifələrə yüklənir.Görünür,Putinin təəsirindən qurtula bilmirik.Üzdə Türkiyənin dostu,arxada isə Rusiyanın qulu kimi fəaliyyət göstəririk.
Putin özünü 1 ci Pyotra bənzədir nə qədər ruslar indi putini soymeklererine baxmayaraq gələcək illərdə onu qüdrətli başçı kimi tarix kitablarında salacaqlar..Onlar fahişə Yekaterinani , əyyaş gey pyotru , manyak şizofrenik Lenini hələ də sevirlerse demek onlarin qanında işğalçılıq, somurgecilik , quldurluq, bitməyib və hələ də dünyanın mədəni xalqlarıi sırasına daxil ola bilmirlər .Nə özləri adam balası kimi yasayirlar nə qonşu dövlətləri qoyurlar ki , rahat yaşasınlar ..
Bu insan qatı millətçidir. İlanın ağına da lənət qarasına da. Ən yaxşı variant imperiyanın parçalanmasıdır
Bütün bunlar doğru. Amma ən qorxulu tərfi isə Putin kimi hökümdarlar tarixdə son anda görəndə ki artıq yox olmaq təhlükəsi ilə üz-üzədirlər, onda onların özlərindən sonra bir dünyanın qalması umurlarında olmaz. Təssüf ki, bu həssas və təhlükəli tərəfi həm Batı, həm ABD ve hem de Rusiyada Mixail Xodorkovskilər göz ardı edirlər, yeni xafife alırlar. Bütün bunların olmaması üçün, yeganə çıxış yolu, Rusya iqtidarındakı və ordusundakı ağıllı və uzaqgörən insanların ne edib, Putini vəzifəsindən uzaqlaşdıtmalıdırlr. Yoxsa indiki gedişlə Dünya, xüsusen de etraf ölkeler böyük bir fəlakətlə qarşı-qarşıya qalacaqlar.
Bütün bunlar doğru. Amma ən qorxulu tərfi isə Putin kimi hökümdarlar tarixdə son anda görəndə ki artıq yox olmaq təhlükəsi ilə üz-üzədirlər, onda onların özlərindən sonra bir dünyanın qalması umurlarında olmaz. Təssüf ki, bu həssas və təhlükəli tərəfi həm Batı, həm ABD ve hem de Rusiyada Mixail Xodorkovskilər göz ardı edirlər.
Putinin keçirdiyi yığncaqlarda içtirak edən yüksək vəzifəli dövlət məmurlarının gözlərində, sifətlərində dəhşət, təlaş, qorxu, ümidsizlik, faciə ...açıq-aydın görünür.
Tamamilə doğru yanaşmadır.