Özbəkistanın Daxili İşlər Nazirliyi bu il ölkəyə gəlmiş rusiyalıların sayı barədə rəqəmləri açıqlayıb. Bu rəqəmlərə görə bu ilin yanvarından sentyabrın sonunadək Özbəkistana 318 min 156 Rusiya vətəndaşı daxil olub.
Bunların böyük əksəriyyəti Özbəkistana iyul-sentyabr aylarında gələnlərdir. Nazirlik xatırladır ki, ölkəyə Rusiyadan gələnlərin sayı daha çoxdur, çünki statistikada oktyabr ayı əksini tapmayıb. Özbəkistan dövlət statistika komitəsinin məlumatına görə bu ilin 8 ayı ərzində ölkəyə gələn rusiyalıların sayı ötən ilin eyni dövrü ilə müqayisədə iki dəfə çoxdur.
Özbəkistan DİN ölkəyə nə qədər rusiyalının burada qalmaq məqsədilə gəldiyini açqılamayıb. Özbəkistanın öz əhalisi 2022-ci ilin ortalarına olan məlumata görə 35.5 milyon nəfərdir.
Forbes jurnalının oktyabrda verdiyi məlumata görə Ukraynada müharibə başlanandan bəri Rusiyanı ən azı 700 min nəfər tərk edib.
Rusiya ilə vizasız gediş-gəliş rejimi olan ölkələrdən rusiyalılar üçün ən cəlbediciləri Gürcüstan, Ermənistan və Qazaxıstandır. Lakin Rusiyanın şərq regionlarından Özbəkistan və Monqolustana gedənlərin sayı daha çoxdur.
"AzPolitika.info"
Şərhlər