İmişlidə Zəfər Günü ilə əlaqədar müharibə veteranları, eləcə də digər sosial qruplara aid şəxslərə 100 manat pul verilir.
Bu barədə Baku.ws-in “qaynar xətt”inə müharibə veteranlarından biri məlumat verib.
O bildirib ki, yerli poçt şöbəsinə yaxınlaşaraq həmin məbləği almaq mümkündür.
Məsələyə aydınlıq gətirmək üçün Rəqəmsal İnkişaf və Nəqliyyat Nazirliyinə məxsus “Azərpoçt” MMC-yə müraciət etdik. Qurumun ictimaiyyətlə əlaqələr şöbəsinin müdiri Afaq İbrahimova məlumatı təsdiqləyib: “Azərbaycan Respublikası Prezidentinin 03.06.2019-cu il tarixli, 719 nömrəli Fərmanı ilə təsdiq edilmiş “şəhər və rayonlar üzrə vergi orqanlarının xətti ilə dövlət büdcəsinə nəzərdə tutulan daxilolmalardan büdcə ilinin sonuna qədər daxil olan vəsaitin müəyyən hissəsinin həmin şəhər, rayonların sərəncamında və istifadəsində saxlanılması” Qaydasına əsasən, İmişli Rayon İcra Hakimiyyəti tərəfindən şəhid ailələri, qazilər, Vətən müharibəsi iştirakçıları və aztəminatlı ailələrin sosial müdafiəsinin gücləndirilməsi məqsədilə vəsait ayrılıb.
Vətəndaşlara maddi yardımın verilməsi prosesi İmişli Rayon İcra Hakimiyyəti və İmişli Regional Poçt Filialı arasında bağlanılmış müqaviləyə əsasən poçt filialı tərəfindən həyata keçirilir”.
Şərhlər
İmişli rayon İH başçısının bu xidməti Milli Məclisin on illik fəaliyyətindən üstündür.Nə yaxşı ki əhalinin ehtiyac içərisində boğulan təbəqələrinə belə bir xeyrxahlıq göstərilir.Qiymət artımları və bahalıqla üz-üzə qalan xalq üçün bu da bir köməkdir.
Gözəl təşəbbüsdür. Bir millət olaraq boyun borcumuz olan bu qayğını göstərməli və məmləkətin hər yerində tətbiq olunmalıdır.