Naxçıvan Muxtar Respublikasının maliyyə naziri Rafael Əliyev vəzifəsindən azad edilib.
APA-nın Naxçıvan bürosu xəbər verir ki, bununla bağlı Naxçıvan Muxtar Respublikası Ali Məclisi Sədrinin birinci müavini Azər Zeynalov sərəncam imzalayıb. Sərəncama əsasən, Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndinə əsasən Rafael Rza oğlu Əliyev Naxçıvan Muxtar Respublikasının maliyyə naziri vəzifəsindən azad olunub.
Qeyd edək ki, 2022-ci il noyabrın 26-da Səbail rayon məhkəməsinin qərarı ilə Rafael Əliyev barəsində 4 ay müddətinə həbs qətimkan tədbiri seçilib. Rafael Əliyev vəzifə səlahiyyətlərindən sui-istifadə edərək müxtəlif yollarla “xüsusilə külli miqdar” təşkil edən 144 milyon manat dövlət vəsaitini mənimsəməkdə ittiham edilir.
Şərhlər
Belə bir Sərəncam Rəqəmsal inkişaf və nəqliyyat nazirliyinə lazımdır !
Mən uyğun təkliflərə rast gəlmişəm də. Naxçıvana 5-6 rayona, Bakının hər bir rayonundan az Muxtarlığa əlahiddə nazirliklər yoxsa, onun yerli bölmələri gərəkdir? Maliyyə-sərmayəsi olmayanda onlar hansı mənbədən maaş alacaqlar? Elə həmin acı reallığ Bələdiyyələri ən işgüzar əvəzinə-ögey edib, yegaanə torpaq alverinə istiqamətləndirməyibmi?