Hatayda 2 aylıq körpə 128 saatdan sonra dağıntılar altından xilas edilib.
“AzPolitika.info” Türkiyə mətbuatına istinadla xəbər verir ki, Hatayın Antakya bölgəsində dağılmış binanın altında qalan azyaşlı axtarış-xialsetmə qrupları tərəfindən sağ çıxarılıb.
Zəlzələnin 128-ci saatında xilas edilən körpə təcili tibbi yardım əməkdaşlarına təhvil verilib.
Həmin görüntüləri təqdim edirik:
Qeyd edək ki, sevindirici xəbərlərdən biri təbii fəlakətin episentri olan Kahramanmaraşdan gəlib. Zəlzələdən 122 saat sonra 70 yaşlı Menekşe Tabak dağıntılar altından sağ çıxarılıb. Qadın çıxarkən: “Dünya varmı?” - deyə soruşub. Xilasedicilər: “Var, xala, var”, - deyə cavab veriblər.
Zəlzələdən 116 saat sonra dağıntılar altında qalan 8 yaşlı Rıdvan Çakıroğlunun da şad xəbəri yayılıb. Balaca Rıdvan qrupların səyi nəticəsində xilas edilib.
Bundan başqa jandarm personalı ilə axtarış-xilasetmə qruplarının birgə işi nəticəsində 70 yaşlı müəllimə Günkaya 116 saat sonra Hatayda dağıntılar altından çıxarılıb.
Şərhlər