İranda 10 hərbçi 2020-ci ilin yanvarında Ukraynaya məxsus sərnişin təyyarəsinin vurulmasına görə müxtəlif müddətlərə azadlıqdan məhrum edilib.
“AzPolitika.info” xəbər verir ki, yanvarın 8-də İslam İnqilabı Keşikçiləri Korpusunun hava hücumundan müdafiə bölməsi guya səhvən Tehrandan Kiyevə uçan Ukrayna Hava Yollarına məxsus təyyarəni vurub. Təyyarədə 176 nəfər olub, onların hamısı həlak olub.
İranın məhkəmə saytı “Mizan Online” bazar günü keçirilən məhkəmədə verilən hökmlər barədə məlumat yayıb.
Məlumata görə, bölük komandiri 10 il, tabeliyində olanlar isə bir ildən üç ilədək həbs cəzası alıb. Məhkəmə komandirin vəziyyəti səhv qiymətləndirdiyi və sərnişin təyyarəsinin vurulmalı olan düşmən hava hədəfi olduğuna dair yanlış inanc əsasında hərəkət etdiyi qənaətinə gəlib.
2020-ci ildə İran hakimiyyəti tez təyyarə qəzasına görə məsuliyyəti qismən boynuna alıb və sərnişin təyyarəsinə qarşı hava hücumundan müdafiə tədbirlərini gərgin şəraitdə edilən səhv adlandırıb. Fəlakətdən bir neçə gün əvvəl ABŞ-ın Bağdad hava limanında keçirdiyi əməliyyat zamanı iranlı general Qasım Süleymani öldürüldü və İran ordusu İraqdakı ABŞ bazalarına hücum çəkdi. Tehran ABŞ-ın İrana zərbə endirəcəyini istisna etməyib və hava hücumundan müdafiə qüvvələri yüksək hazırlıq vəziyyətində olub.
Təyyarədə ölənlərin əksəriyyəti İran və Kanada vətəndaşlarıdır. 11 nəfər isə Ukrayna vətəndaşı olub. İran hakimiyyəti həlak olanların hər birinin yaxınlarına 150 min dollar təzminat təklif edib. Amma heç kim kompensasiyanın məbləği ilə razılaşmayıb.
Rasim
“AzPolitika.info”
Şərhlər