Rusiya müdafiə naziri Sergey Şoyqu Silahlı Qüvvələrin maddi-texniki təminatına cavabdeh olan general-polkovnik Aleksey Kuzmenkovun qarşısına xüsusi hərbi əməliyyat aparılan ərazilərdə qoşunların bütün lazımi silahlarla və hərbi texnika ilə fasiləsiz və ritmik təchizatı məsələlərini xüsusi nəzarətdə saxlamaq vəzifəsini qoyub.
APA-nın Moskva müxbiri xəbər verir ki, bu barədə Rusiya Müdafiə Nazirliyindən bildirilib.
Qeyd edək ki, bu gün “Vaqner” özəl hərbi şirkətinin rəhbəri Yevgeni Priqojin Ukraynanın Baxmut şəhərini mayın 10-da tərk edəcəklərini açıqlayıb. O, bu qərarı silahlı qruplaşmanın silah-sursatla təmin olunmadığına görə verdiyini və bu işdə Sergey Şoyqu və Baş Qərargah rəisi Valeri Gerasimovun günahkar olduğunu açıqlayıb.
Xatırladaq ki, aprelin 27-də Rusiya MN-də kadr dəyişikliyinin baş verib, general-polkovnik Mixail Mizintsevin müdafiə nazirinin maddi-texniki təminat üzrə müavini vəzifəsini itirib. Onun yerinə Aleksey Kuzmenkov təyin olunub.
Mizintsevin isə “Vaqner”ə qoşulmasına dair məlumatlar yayılıb.
Şərhlər