“2008-ci ildə bizə qarşı müharibə olmuşdu, Rusiyaya qarşı sanksiya qoyan birini xatırlayın. Bizim müharibəmiz müharibə deyil, Ukraynadakı müharibə müharibədir? Məntiq haradadır?”
“AzPolitika.info” xəbər verir ki, bunu Gürcüstanın Baş naziri İrakli Qaribaşvili illik Qətər İqtisadi Forumunun panel müzakirələrində çıxışı zamanı deyib.
Qaribaşvilinin sözlərinə görə, 2008-ci il müharibəsindən sonra ABŞ və Avropa həmişəki kimi Rusiya ilə əməkdaşlığa davam ediblər.
“Rusiyaya qarşı ikitərəfli iqtisadi sanksiyalar tətbiq etsək, Gürcüstan iqtisadiyyatı çökəcək, xalqımıza ziyan vuracağıq. Siz yaxşı bilirsiniz, 2008-ci ildə müharibə olmuşdu, müharibə zamanı Rusiyaya qarşı sanksiyalar tətbiq edəni xatırlayırsınızmı? Heç kim!
Dünyada heç kim bu təcavüzə düzgün və ya adekvat cavab vermədi. Onda mənim sualım belədir: məntiq haradadır? Bizim müharibə müharibə deyil, amma Ukraynadakı müharibə müharibədirmi? Deməliyəm ki, 2008-ci ildə Rusiya ilə müharibədən sonra Qərblə Rusiya ilə ticarəti əvvəlki qaydada davam etdirməsi bizi çox məyus etdi. O dağıdıcı müharibədən sonra ölkəmizin ərazisinin 20%-i hələ də Rusiyanın işğalı altındadır, Rusiya bizim tarixi torpağımızda iki hərbi baza tikdi, tarixi bölgələrimizdəki qondarma qurumların müstəqilliyini tanıdı və bu işğal hələ də davam edir.
Ona görə də avropalı, amerikalı dostlarıma sualım belədir: əziz dostlar, siz həmişəki kimi Rusiya ilə iş aparmısınız, ona qarşı sanksiyalar tətbiq etməmisiniz. 2022-ci ilə qədər Aİ Rusiyaya 2,3 trilyon dollar ödədi, heç nə olmamış kimi heç kim Rusiya ilə əməkdaşlığı dayandırmadı. Bu vəziyyətdə bir daha təsdiq etmək istərdim ki, biz Ukraynanı, Ukrayna xalqını dəstəkləyirik. Biz istəyirik ki, bu müharibə mümkün qədər tez bitsin. Biz bütün beynəlxalq platformalarda 500-dən çox qətnaməyə, sənədə, müraciətə qoşulmuşuq və beynəlxalq sanksiyalara tam əməl edirik. Dövlət Departamenti Gürcüstanın maliyyə qurumlarının, Milli Bankın maliyyə sanksiyalarına tam əməl etdiyini bildirib.
İqtisadi sanksiyalara gəlincə, Gürcüstanın Rusiya ilə ticarəti bir milyard dollardan azdır. Müqayisə üçün qeyd edək ki, Aİ cəmi 4 günə bizim bir ildə ticarət etdiyimiz qədər ticarət edir. Bu gülməlidir, məntiq yoxdur. Bu, ölkəmizin milli maraqlarına xələl gətirər”, - deyə İrakli Qaribaşvili bildirib.
“AzPolitika.info”
Şərhlər
Haqlı ve mentikli irad. Avropa ve ABD daima öz çıkarları peşinde olublar ve o siyaseti de daima yürüdürler. . Onlar üçün menim senin demmokratik olmam bir teferrüatdır. Demokratiya sadece onların elinde ikinci ve üçüncü ölkelere karşı mermisiz bir silahdır. Bu Əfqanıstanda da, Orta Doğuda da, bu gün Ukraynada da kullanmakdadır ve ne yazık ki, diger ölkelere karşı da killanılması üçün de seyler gösterilmekdedir. Nece ki, bu gün her vasite ile öz maşalarını kışkırdıb, demokratiya perdesi altında qardaş Türküyeni karışdırmağa cehdler edirler. Hansı ki, Türkiyede keçirilen seçgilerin demokratikliyi başta Batı ve ABD olmakla dünyanın heç harsında mövcud deyildir. Bütün buna rəğmən isə muhalifetin başında dura zada dedirtirler ki, Erdoğan guya diktatordu. Budur Batının ve ABD-nin riyakar sıfatları. O ki kaldı Gürcüstana hali ortada. Vaxtı ile Rusiya Tiblise kimi gelende Batı ve ABD Saakaşviliye çepik çalırdılar. . Bu gün Zelenskiye çaldıkları kimi. İndi onlar üçün Gürcüstanda demokratiyanın baş qəhramanı olmuş Saakaşvili ceza evinde sözün hakıkı menasında çürüdülür, Batı ve ABD-n umurunda bele deyil. Eyni akibet Zelenskini de gözleyir.
sual məntiqlidir--Azərbaycanlılar da sual edir--necə olur ki, Laçından ermənilər üçün sərbəst keçid və ya koridor tələb edir bu avropa lakin Naxçıvana ermənistandan koridor tələb edilmir niyə? ermənilərə rahat gedib gəlmək-özbaşınalıq etmələrinə razıdılar ama Azərbaycana gələndə susurlar