Rusiyanın Ukraynanın Odessa şəhərinə raket hücumu nəticəsində 50 ev, o cümlədən Yunanıstanın konsulluğu zədələnib.
“Report” xəbər verir ki, bu barədə Ukrayna Prezidenti Volodimir Zelenski ənənəvi axşam videomüraciətində deyib.
O xatırladıb ki, konsulluğun qismən dağıdılması halı Odessada birinci dəfə deyil. Belə ki, iyulun 20-də Çinin konsulluğu zədələnmişdi.
Zelenski həmçinin bildirib ki, şəhərin atəşə tutulmasında müxtəlif tipli 19 raketdən istifadə edilib: bu, onların vurulmasını çətinləşdirmək üçün edilib və bu, daha geniş miqyasda məhvə səbəb olub.
Onun sözlərinə görə, Odessadakı Müqəddəs Transfiqurasiya Baş Kilsəsi Rusiyanın gəmiəleyhinə X-22 raketi ilə atəşə tutulub.
“1936-cı ildə bolşeviklər baş kilsəni qarət edib dağıdıblar. O, artıq müstəqil Ukraynada bərpa olunub və indi terrorçular onu yenidən dağıtmağa çalışırlar”, - dövlət başçısı vurğulayıb.
Şərhlər