Türkiyə Xarici İşlər naziri Hakan Fidan Danimarka Xarici İşlər naziri Lars Lokke Rasmussen ilə telefon danışığı aparıb.
Trend TurkicWorld-a istinadən xəbər verir ki, bu barədə Türkiyə XİN bildirib.
Hakan Fidan görüş zamanı Danimarkada Qurana qarşı davam edən alçaq hücumları bir daha pisləyib.
O qeyd edib ki, Avropada anti-islamizm qorxulu həddə çatıb və ifadə azadlığı adı altında bu cür çirkin hərəkətlərə yol verilməsi qəbuledilməzdir.
Xatırladaq ki, Danimarkada iyulun 22-də İraqın Kopenhagendəki səfirliyi qarşısında, iyulun 24-də isə İran və İraq səfirliyi qarşısında bir qrup insan tərəfindən Quran yandırılıb.
Qrup daha əvvəl Türkiyənin Kopenhagendəki səfirliyi qarşısında Türkiyə bayrağına və Qurana hücum edərək İslamı təhqir etmişdi.
Şərhlər