Macarıstan hərbi xidmətə yararlı qaçqınları Ukraynaya təhvil verməyəcək. Bunu ATV-yə açıqlamasında Baş nazirin müavini Zolt Şemien deyib.
Bu barədə “AzPolitika.info” UNİAN-a istinadla xəbər verir.
"Biz heç bir ukraynalı qaçqının, ukraynalıların təbirncə desək, hərbi xidmətə yararlı olub-olmadığını yoxlamırıq. Macarıstan onları Ukraynaya ekstradisiya etməyəcək", - o, ukraynalı kişilərin geri qayıtma ehtimalını şərh edib.
Şemien həmçinin qeyd edib ki, belə adamların məlumatları Ukrayna tərəfinə verilməyəcək.
“Ukraynadan olan hər bir qaçqın Macarıstanda azad insandır, o, burada qalıb-qalmamaq, Qərbə getmək və ya istəsə, qayıtmaq barədə qərar verə bilər”, - deyə baş nazirin müavini bildirib.
Rüfət
AzPolitika.info
Şərhlər